Álemniń birinshi raketkasymen taǵy kezdeskim keledi – Elena Rybakına

ASTANA. QazAqparat – Rım WTA 1000 týrnıriniń jartylaı fınalyna shyqqan qazaqstandyq Elena Rybakına álemniń 1-raketkasy Iga Shventekpen ótken matchqa qatysty pikirin bildirdi, dep habarlaıdy QazAqparat tilshisi.

WTA resmı saıtynan málim etkenindeı, E.Rybakına básekeniń ońaıǵa túspegenin, I.Shventekpen taǵy da kezdeskisi keletinin aıtty.

«Men taı-breıkte oǵan birdeńe bolǵanyn kórdim, biraq jaraqatynyń qanshalyqty dárejede ekendigin bilmedim. Ol óte belsendi boldy, biraq kóp qozǵala almaıtynyn túsindim. Degenmen ol áli de jaqsy oıyn kórsetip jatty, sondyqtan men de jınaqy bolýym kerek edi. Men matchtan pálendeı nátıje kútken joqpyn, ekinshi sette oń jaqtan dál soqqy jasap, tezirek qımyldaı bastaǵanyma baqyttymyn. Sondyqtan nátıjesine qaramastan, men tutastaı alǵanda, jaqsy oınadym. Onymen taǵy bir match ótkizgim keledi jáne asyǵa kútemin», dedi E.Rybakına.

Elena Rybakına jartylaı fınalda latvııalyq Elena Ostapenkomen sheberlik baıqasady. Ózara kezdesýler boıynsha esep - 2:1, Ostapenko alda.

Eske sala keteıik, budan buryn Elena Rybakınanyń Rımde álemniń birinshi raketkasymen oınaıtynyn jazǵan bolatynbyz.

Sondaı-aq Tımofeı Skatov Rolan Garros týrnırine daıyndalyp jatyr.

Anna Danılına juptyq synda Parıj jarysynyń jartylaı fınalyna ótti.

Elena Rybakına Rımde álemniń 1-raketkasyn jeńip, jartylaı fınalǵa shyqty.