Álemniń birinshi raketkasy Novak Djokovıch koronavırýs juqtyrdy
NUR-SULTAN. QazAqparat - Serb tennısshisi, álemniń birinshi raketkasy Novak Djokovıch Horvatııadaǵy týrnır kezinde koronavırýs juqtyrdy, dep habarlaıdy QazAqparat euronews.com agenttigine silteme jasap.
Onyń áıelinen de koronavırýs ınfektsııasy tabylǵan.
«Biz týrnırdi indet tolqyny basylǵanda uıymdastyrǵan edik. Osyndaı jaǵdaıda jarys ótkizýge bolady dep sendik. Ókinishke qaraı, vırýs eshqaıda ketken joq, biz osy shyndyqqa kóndigýge tıispiz. Men osy týrnırde koronavırýs juqtyrǵan ár adamnan keshirim suraımyn. Olardyń densaýlyǵyna zııan kele qoımaıdy, bári aman-esen jazylyp ketedi dep úmittenem. Al ózim 14 kúnge oqshaýlanamyn. Bes kúnnen keıin qaıtadan test tapsyramyn», - deıdi tennısshi Novak Djokovıch.
Osydan bir kún buryn sol týrnırde bolgarııalyq tennısshi Grıgor Dımıtrov pen horvat sportshysy Borna Chorıchtiń aýrý juqtyrǵany belgili bolǵan edi.
