Álemniń birinshi raketkasy bolǵan Anna Ivanovıch sporttan ketti
ASTANA. QazAqparat - Álemniń eks-birinshi raketkasy, 29 jastaǵy serbııalyq tennısshi Anna Ivanovıch kásibı mansabyn aıaqtaıdy.
Bul týraly sportshy Facebook-tegi óziniń paraqshasyna ornalastyrǵan beınebaıanda málimdedi, dep habarlaıdy QazAqparat.
Tennısshi jaraqatyna baılanysty kortqa birshama ýaqyt shyqpaı júrdi, saldarynan maýsym nátıjesi boıynsha WTA reıtınginde 16-ynshy orynnan 63-ke syrǵydy. 2016 jyly ol nebári 15 ret jeńiske jetip, 516 809 dollar aqsha tapqan.
«Men tennıstegi kásibı mansabymdy aıaqtaýdy uıǵardym. Bul sheshim maǵan qıynǵa soqty. Biraq meniń atap óter jetistikterim bar. Tennıske kelgende men 5 jasta edim, ata-anam meni osy jyldar boıy qoldap keldi, tipti 2008 jyly Rolan Garrosty jeńgen kezde. Arman ete almaǵan jetistikterge qol jetkizdim. WTA-nyń 15 ataǵyna ıe boldym. Federatsııa kýbogynda 5 ret óner kórsettim. Menińshe, bul Serbııadan shyqqan qarapaıym qyz úshin jaman emes», - deıdi sportshy vıdeoda.
2016 jyldyń maýsymynda Ivanovıch Germanııanyń fýtboldan qurama komandasynyń burynǵy kapıtany jáne aǵylshynnyń "Manchester ıÝnaıted" komandasynyń jartylaı qorǵaýshysy Bastıan Shvaınshtaıgerge turmysqa shyqty.
