«Álemniń áıgili meshitteri» serııasynan 500 teńgelik eskertkish altyn moneta aınalysqa shyqty

ALMATY. 7 maýsym. QazAqparat - Búgin QR Ulttyq banki «Álemniń áıgili meshitteri» monetalar serııasynan nomınaldyq quny 500 teńgelik «Baiturrahman» eskertkish altyn monetasyn aınalysqa shyǵardy.

Onyń bet jaǵynyń ortasynda Islamnyń qasıetti oryndaryna kireberisti bildiretin stıldendirilgen arkanyń beınesinen, geraldıkalyq shıyrshyqtan jáne monetanyń nomınalyn bildiretin jazýdan turatyn kompozıtsııa beınelengen. Nomınal tsıfrlarynyń oń jaǵynda moneta daıyndalǵan metaldyń synamasyn bildiretin «Au 999» degen jazý ornalasqan. Aınaldyra memlekettik tilde «QAZAQSTAN ULTTYQ BANKІ» degen jazý men bank logotıpi jáne monetanyń soǵylǵan jylyn bildiretin «2013» degen san, Qazaqstan teńge saraıynyń taýar belgisi jáne shyǵyńqy jıek bar. Syrt jaǵynyń ortasynda Baıtýrrahman meshitiniń beınesi, joǵary bóliginde aǵylshyn tilinde «BAITURRAHMAN» degen jazý jáne aınaldyra shyǵyńqy jıek bar. Monetalardyń bet jáne syrt jaǵyndaǵy beıneler, jazýlar jáne qyry bederli. Ol 999 synamdy altynnan jasalǵan, salmaǵy 3,11 gramm, dıametri - 16 mm, daıyndaý sapasy - «proof», taralymy - 3 myń dana.

Baiturrahman meshiti Indonezııanyń Banda-Acheh qalasynyń ortalyǵynda Acheh provıntsııasynda ornalasqan. Provıntsııanyń turǵyndary úshin meshittiń din men mádenıet nyshany retinde sımvolıkalyq máni zor, onyń ústine ol 2004 jylǵy joıqyn tsýnamıden aman qaldy.