Álemniń asa baı ınvestory Grekııada aral satyp aldy
ASTANA. QazAqparat - Amerıkalyq ınvestor Ýorren Baffet Grekııada Qasıetti Foma aralyn satyn aldy, dep habarlady Proto Thema grek basylymy.
Onyń araldy satyp alýdaǵy seriktesi - ıtalıandyq mıllıarder Alessandro Proto.
Aýmaǵy 1,2 sharshy shaqyrymdy quraıtyn araldy olar 15 mıllıon eýroǵa satyp aldy. Baffet pen Proto munda úılerdi salýǵa qarjy quıýdy josparlap otyr.
Ýorren Baffettiń dáýleti shamamen 70 mıllıard dollarǵa baǵalanyp otyr. Forbes-tyń sońǵy reıtıngi boıynsha bıznesmen kapıtal kólemi jaǵynan álemde tórtinshi orynda.
