«Álemniń arý áıeli - 2013» baıqaýynda elimizdiń namysyn alty balanyń anasy qorǵamaq
ASTANA. 6 sáýir. QazAqparat - Elimizdiń has sulý arýy Vıktorııa Momynbaeva Qytaıda ótetin «Álemniń arý áıeli - 2013» báıgesine jol tartpaq.
Bul týraly «Ekspress K» gazeti jazyp otyr.
Altyn táj úshin álemniń 70 úmitkeri baq synaspaq.
Baıqaý 27 qyrkúıek kúni Gýanchjoý qalasynda bastalady. «Qazaqstannyń arý áıeli - 2011» ataǵyn ıelengen Vıktorııa Momynbaeva kórermendi ári qazylardy ulttyq úlgidegi kıimimen tánti etpek. Ol elimizdiń ataqty dızaıneri Aıda Qaýmenovanyń qolynan shyqqan týyndy.
«Stılge toqtalatyn bolsaq, baıqaý kóıleginiń dástúri saqtaldy. Olardyń tústerine erekshe kóńil bólinip, kók, kógildir, qola túster úılespek», - deıdi modeler Aıda Qaýmenova.
Dızaıner ulttyq naqyshtaǵy kóılekti tigýge bir jyl ýaqytyn jumsaǵan.
Aıta ketken lázim, has sulý Vıktorııa Momynbaeva alty balanyń anasy. Ol kóp balaly ana retinde «Kúmis alqany» taǵynǵan.
