Álemniń 83 elinde meıramhanalary bar Býrger Kıng® kompanııasy - qazaqstandyq naryqta
ALMATY. 27 jeltoqsan. QazAqparat - Álemniń 83 elinde 12 500-den astam meıramhanasy bar Býrger Kıng® jelisi franshıza boıynsha Qazaqstanda da qanat jaıýda.
Ol aǵymdaǵy jyly «QSR» JShS-niń 20 jyldyq franshızdik kelisimi boıynsha Qazaqstan naryǵyna engen bolatyn.
«Býrger Kıng® Qazaqstanda qazir asa qarqyndy damyp kele jatqan jyldam tamaqtaný meıramhanalary jelileriniń biri bolyp otyr. Mamyr aıynyń aıaǵynda respýblıka naryǵyna kirgennen beri 3 fýd-kort pen 1 meımanhana ashqan bolatyn. Endi ekinshi meıramhana ashylyp otyr. Aldaǵy jyly Astanada 2 meımanhana ashpaqpyz. Bolashaqta mundaı jyldam tamaqtaný oryndary ózge qalalarda da halyqqa qyzmet kórsete bastaıdy», - «QSR» JShS-niń dırektory Gaık Badalıan.
Onyń aıtýynsha, kompanııanyń esepteýinshe ınvestıtsııa kólemi fýd-kort ashýda 400 myń dolardy, meıramanhana ashýda 800 myń dollardy quraıdy.
Qazirgi tańda Býrger Kıng® gambýrger satatyn jyldam tamaqtaný meıramhanary jelisiniń kólemi boıynsha dúnıejúzinde ekinshi oryn alady. Býrger Kıng® meıramhanalarynyń 90 paıyzǵa jýyǵy táýelsiz franchaızerlerdiń basqarýynda. Olardyń kópshiligi otabasylyq kompanııalar. Jalpy bul meıramhanalar jelisinde kún saıyn álemde 11 mıllıonnan astam adam tamaqtanady.
