Álemniń 7 elinen jınalǵan 700 jas gımnast Almatydaǵy týrnırde baq synady
ALMATY. QazAqparat - Almatyda kórkem gımnastıkadan «Dostyk - 2019» halyqaralyq ashyq chempıonaty máresine jetti, dep habarlaıdy QazAqparat tilshisi.
Dúbirli dodada álemniń 7 elinen 700-ge jýyq sportshy baq synady.
Atap aıtqanda, Úndistan, Ýkraına, AQSh, Reseı, Polsha, Qyrǵyzstan elderinen sportshylar keldi. Sonymen qatar, Qazaqstannyń 10 qalasynan - Almaty, NurSultan, Aqtaý, Óskemen, Pavlodar, Qyzylorda, Qapshaǵaı, Kókshetaý, Taldyqorǵan, Shymkentten kelgen jas gımnasttar óz sheberligin shyńdady.
«Bul týrnır kórkem gımnastıkadan vızıt kartasy desek te bolady. Birneshe jyl ishinde bul týrnır kishkentaı ǵana starttan bastap, kásibı chempıonatqa deıin ósti. Munda joǵary bilikti qazylar tórelik etedi», - dedi uıymdastyrýshylar.
4 kúnge sozylǵan chempıonat barysynda sheberler sanatynda klýb tárbıelenýshisi - Nııazova Nınel, jastar arasynda - Muhamedjan Toǵjan, sonymen qatar Shymkentten kelgen kishkentaı sportshy Ǵarıfolla Adel top jardy.
