Álemniń 48 memleketi kómirden bas tartty
ASTANA. QazAqparat - Marokkoda BUU Klımattyń ózerýi jónindegi Búkilálemdik konferentsııa aıaqtaldy. Qatysýshylar jahandyq jylynýdyń aldyn alý úshin 48 memlekettiń kómirdi tutynýdan bas tartýy týraly 2015 jyldyń jeltoqsanynda qol qoıylǵan Klımat jónindegi Parıj tarıhı kelisiminiń baptaryn júzege asyrý boıynsha is-qımyl josparyn qurdy, dep habarlaıdy Rosbalt DW basylymyna silteme jasap.
Konferentsııaǵa qatysýshy memleket ókilderiniń barlyǵy 1,5 gradýstan joǵary bolatyn jahandyq jylynýǵa jol bermeý úshin kómirden energııa kózi retinde bas tartýdy qoldady. Bul bastamany qoldaýshylardyń barlyǵy 2050 jyldan bastap, jańǵyrtylatyn energııa kózderin paıdalanýǵa kóshpek.
Basylymnyń habarlaýynsha, túptep kelgende memleketter tarapynan qabyldanǵan sheshimniń oryndalýy óte qıyn. 2015 jyldyń 12 jeltoqsanynda BUU-nyń Parıjde ótken Klımattyq sammıtinde klımattyq qorytyndy kelisim qabyldandy. Ol Kıoto hattamasyn almastyrýy qajet bolatyn. Qujat 2020 jyldan keıin parnıktik gazdardyń qaldyqtarynyń mólsheri men klımattyń ózgerýin anyqtaıdy.
