Álemniń 34 elinen kelgen volonterler Astanadaǵy halyqaralyq forýmda bas qosty
ASTANA. QazAqparat – Astanadaǵy beıbitshilik jáne kelisim saraıyn Halyqaralyq volonterler formý bastaldy, dep habarlaıdy QazAqparat tilshisi.
Sharanyń ashylý saltanaty aldynda BAQ ókilderine suhbat bergen Aqparat jáne qoǵamdyq damý vıtse-mınıstri Danııar Qadirov forýmǵa volenterlerden bólek 50-ge jýyq sheteldik spıker kelgenin aıtty.
«Búgin, erteń eki kún qatarynan ótetin volonterler forýmynda 34 elden 140-tan astam erikti qatysqaly otyr. 50-ge jýyq sheteldik spıker keldi. Qazaqstannyń ár óńirinen irikteýden ótken eriktiler kelip otyr. Negizinen búgingi is-sharada 400-den asa qatysýshy jınalǵan.
Memleket basshysy Qasym-Jomart Toqaev BUU minberinen Halyqaralyq vlonterlerdi jınaý jylyn jarııalaý týraly bastama kótergen. Soǵan baılanysty byltyr Ortalyq Azııa volonterler forýmy ótti. Bıyl, mine, Halyqaralyq volonterler forýmy ótip jatyr», - dedi ol.
Vıtse-mınıstrdiń sózine qaraǵanda, forým aıasynda volonterlik qozǵalystyń halyqaralyq deńgeıdegi tútkildi máseleleri talqylanbaq.
«Eń basty maqsat – volonterlik qozǵalys baǵytyndaǵy óńirlik kóshbasshy retinde basqa eldermen tyǵyz baılanys ornatý, aqparat pen tájirıbe almasý, volonterler aldynda halyqaralyq deńgeıde turǵan máselelerdi birge ortaǵa salyp sheshý», - dedi Danııar Qadirov.
