Álemniń 200-ge jýyq eli «Jer saǵaty» aktsııasyna qatysty
ASTANA. QazAqparat – Álemdegi kóptegen elde «Jer saǵaty» aktsııasy ótti, dep habarlaıdy QazAqparat Euronews-ke silteme jasap.
Dúnıejúzilik jabaıy tabıǵat qorynyń úndeýimen aktsııaǵa qatysýshylar úıleri men keńselerinde keshke jaryq pen elektr qurylǵylaryn óshirdi. Іri qalalarda tarıhı eskertkishterdiń jaryǵy óshirildi.
Aktsııa energııany únemdeýge jáne klımattyń ózgerisine jurtshylyqtyń nazaryn aýdarý maqsatynda ótkizildi.
Buǵan deıin habarlaǵanymyzdaı, jyl saıyn bul sharaǵa álemniń 180-nen astam eli qatysady. Al, Qazaqstan bıyl «Jer saǵaty» aktsııasyna 13-ret úles qosty.
Mańǵystaý oblysynyń halqy keıingi 4 jylda bul aktsııaǵa belsendi qatysyp keledi. Óńir turǵyndaryna bıyl da sharaǵa atsalysyp, saǵat 20:30-21:30 aralyǵynda úıdegi shamdardy óshirý, tehnıkany toq kózinen ajyratý usynyldy.
