Álemniń 20 elinen 200-ge tarta skaýt Astanada bas qosady
TANA. 6 qyrkúıek. QazAqparat /Jasulan Amanbaıuly/ - Astanada ótetin «Beıbitshilik úshin mádenıet almasý» atty halyqaralyq sımpozıým álemniń 20 elinen 200-ge jýyq skaýttyń basyn qospaq. Bul týraly búgin elordada ótken baspasóz máslıhatynda Qazaqstan skaýttyq qozǵalysynyń halyqaralyq komıssary Eldar Kátenov málim etti.
Sharany «Jas qyran» áskerı-patrıottyq birlestikteriniń damytý ortalyǵy men QR Bilim jáne ǵylym mınıstrligi uıymdastyrýda.
«Sımpozıýmǵa 20-ǵa jýyq memleket-ókil keledi. Shamamen 200-ge tarta jigit pen qyz qatysady», - dedi E. Kátenov.
Onyń aıtýynsha, 8-12 qyrkúıek aralyǵynda ótetin atalmysh sımpozıým Shyǵys pen Batystyń bilim jáne mádenıt salasyndaǵy suhbattastyǵyn damytýǵa jáne túrli elder jastarynyń arasyndaǵy beıbitshilik pen kelisim yntymaqtastyǵyn nyǵaıýǵa baǵyttalǵan. Onyń negizgi otyrysynda ıslam men beıbitshilik, halyqtar men ulttardyń kelisimi jáne skaýt qozǵalysynyń róli talqylanady.
E. Kátenovtiń atap kórsetkenindeı, shara aıasynda úndis vıgvamdarynyń keıpinde skaýt qalashyǵy salynady. Onda túrli ulttar ismerleri men zergerleriniń sheberhanalary ornalaspaq.
Uıymdastyrýshylardyń aıtýynsha, 10 qyrkúıekte «Islam - beıbitshilik dini» atty konferentsııa, 11 qyrkúıekte «Beıbitshilik úshin skaýtıng róli» taqyrybynda otyrys ótedi.
Komıssar aıtqan aqparat boıynsha, onyń jumysyna qatysý úshin Dúnıejúzilik skaýttyq qozǵalysy uıymdarynyń Bas hatshysy Lıýk Panısod elordaǵa at basyn tireıdi.
Qazaqstandaǵy skaýttyq qozǵalys uıymynyń mektepke deıingi tárbıeleý jumystary 1989 jyldan beri júrgizilip keledi. Qazirgi ýaqytta skaýt qozǵalysyna 1,5 myńnan astam bala tartylǵan.
