Álemniń 20 elinde 988 adam koronavırýs juqtyrǵan
«2020 jyldyń 19 aqpanynda Qytaıda koronavırýs ınfektsııasynyń jańa túrin juqtyrǵandar sany 72 528-ge jetti. Onyń ishinde 1 868 adam qaıtys boldy. 12 552 adam jazylyp shyqty. Hýbeı provıntsııasynyń 16 qalasynda karantın jarııalandy. Sonymen birge, álemniń 20 elinde 988 naýqas anyqtaldy», - dedi QR DSM Taýarlar men qyzmetterdiń sapasy men qaýipsizdigin baqylaý komıteti tóraǵasynyń orynbasary Nurqan Sədýaqasov Ortalyq kommýnıkatsııalar qyzmetindegi baspasóz máslıhatynda.
Qazaqstan Respýblıkasy aýmaǵynda aýrý juqtyrǵandar joq.
Onyń aıtýynsha, qazirgi ýaqytta Qytaıda aýrý juqtyrǵandar sany azaıyp keledi. Kún saıyn naýqastar sany orta eseppen 2,8% artady.
Buǵan deıin QR Bas sanıtarlyq dárigeriniń qaýlysy shyqqan edi . Oǵan sáıkes, karantın tártibin buzǵandar QR Ákimshilik quqyqbuzýshylyqtar kodeksiniń 462-babymen jaýapkershilikke tartylady.