Álemniń 190 elinde jańa Windows 10 operatsııalyq júıesi iske qosyldy

Lıtsenzııaly Windows 7 jáne Windows 8/8.1. OJ paıdalanýshylary jańa nusqany tegin jańalap júkteı (obnovlenıe) alady. Al, 2016 jyldyń tamyzynan bastap ol aqyly bolady.

Microsoft-tiń boljamy boıynsha, 3 jyldan keıin bir mıllıardtan astam qoldanýshy osy nusqaǵa kóshetin bolady.

Ázirshe jańa OJ kompıýterler men planshetterge ǵana júkteledi. Al jyl sońyna qaraı ol basqa qurylǵylarǵa da qoljetimdi bolady.

Bir aıta keterligi, Windows 10 aldyńǵy nusqalarynan túbegeıli ózgeshe. Máselen, osyǵan deıin OJ quramyna Internet Explorer kirse, budan bylaı onyń ornyna Microsoft Edge braýzeri qoldanylady. Odan bólek 10-ynshy nusqa mobıldi telefon, planshet, kompıýter syndy túrli qurylǵylarǵa júktele beretin ámbebap qasıetke ıe bolady.