Álemniń 167 eli qashyqtan bilim berýge kóshti
NUR-SULTAN. QazAqparat – Jazda balalar ádettegideı demalysqa shyǵady. Bul týraly Ortalyq kommýnıkatsııalar ortalyǵynda «Tótenshe jaǵdaı kezinde qashyqtan oqytýdyń jańa formattary» taqyrybynda ótken onlaın brıfıngte aıtyldy, dep habarlaıdy QazAqparat tilshisi.
«Qazirgi ýaqytta balalar mektepterin, ustazdaryn saǵynyp júrgenin kórip otyrmyz. Jalpy elimiz boıynsha ustazdardyń orny, ustazdardyń qadiri qatty bilinip jatyr. Biraz ýaqyttan keıin bul da aıaqtalyp, dástúrli rejımge oralamyz», - deıdi QR Bilim jáne ǵylym mınıstri Ashat Aımaǵambetov.
Mınıstr álemde qansha memleket qashyqtan oqýǵa kóshkenin aıtty.
«Álemniń 167 eli, sonyń ishinde Qazaqstan Respýblıkasy da qashyqtan bilim berýge kóshti. Qazaqstanda oqý protsesi keıinge, atap aıtqanda, jaz mezgiline shegerilmeıdi. Jazda balalar ádettegideı demalysqa shyǵady», - dep atap ótti mınıstr.
