Álemniń 13 eli Lıvııadaǵy atysty toqtatýǵa shaqyrdy
ASTANA. 1 sáýir. QazAqparat - Latyn Amerıka men Azııanyń damýshy elderi BUU-nyń Qaýipsizdik Keńesin Lıvııadaǵy atysty toqtatyp, qaqtyǵysty retteýge shaqyrdy.
Qujatqa 13 eldiń ókilderi qol qoıdy, - dep habarlaıdy Ýtro.rý.
Qytaıdyń BUU-daǵy turaqty ókili Lı Baodýngýǵa berilgen úndeýge Venesýela, Kýba, Ekvador, Bolıvııa, Nıkaragýa, Sent-Vınsent pen Grenadın, Domınıka, Antıgýa men Barbýda, Kambodja, Indonezııa, Malı, Ekvatorıaldy Gvıneıa men Vetnam qol qoıdy. Qujatqa Brazılııa, Úndistan men Ońtústik Afrıka qoldaý kórsetti, biraq Qaýipsizdik Keńesi qazirgi jaǵdaıǵa oraı qol qoımady.
Qujat bombylaý men zymyrandy soqqylardy toqtatýǵa, kóterisshiler men Lıvııa basshysy Mýammar Kaddafıdiń ókilderi arasynda beıbit kelisimderdi bastaýǵa shaqyrady.
