Álemge jańa oba indeti qaýip tóndirýde
ASTANA. Tamyzdyń 23-i. QazAqparat - Úndistanda Azııaǵa keń tarap kele jatqan jańa bakterııa tabyldy.
Frantsýz dárigerleri dabyl qaǵýda: antıbıotıkterdiń barlyq túrine tótep bere alatyn jańa bakterııa álemge taralyp keledi. Bakterııa oba jáne salmonella sekildi belgili ınfektsııalardyń týystas bolyp shyqty, dep habarlaıdy RBK.
Jańa bakterııany ótken jyly brıtandyq Kardıffa ýnıversıtetiniń ǵalymy Tımotı Ýolsh Úndistanda ınfektsııadan emdelgen shved azamatynan tapqan edi.
Atalmysh enterobakterııalar kúndelikti tolyǵyp otyratyn patogender otrıadyn qurap, olardyń áseri adam aǵzasyn aýyr bakterıaldyq zardaptarǵa ákeledi. Jańa enterobakterııanyń «ápkeleri» salmonella, oba taıaqshasy, ókpe qabynýynyń klebsıellasy. Jańa enterobakterııalar NDM-1 fermentin óndirip, barlyq belgili antıbıotıkterge tózimdi. Qazir bakterııalar Úndistan, Bangladesh pen Pákistanda keń taralyp otyr.
Sonymen qatar ol ınfektsııa emdelýdiń arzandyǵyna qyzyǵyp, Úndistan gospıtaldarynda em qabyldaǵan 37 Ulybrıtanııa azamatynda da anyqtalyp otyr. Qazirdiń ózinde jańa ınfektsııa juqtyrǵan birneshe eýropalyq qaıtys boldy.
Ǵalymdardyń pikirinshe, keń taralyp kele jatqan ınfektsııa adamǵa zor qaýip tóndiredi. Onyń ústine onyń jer sharyna keń taralýy múmkin. Al ǵalymdarǵa bul ınfektsııany jeńý úshin antıbıotıktiń jańa túrin oılap tabý úshin kem degende on jyl ýaqyt kerek eken.
