Álemge tanymal kásipker startaptardy damytýǵa qatysty keńes berdi
ASTANA. QazAqparat - «Astana Hub» halyqaralyq ІT-startaptar tehnoparkiniń jumysyn resmı iske qosý sharasy kezinde «The Startup Owners Manueal» teń avtory, kásipker Bob Dorf startaptardy damytýǵa qatysty keńes berdi, dep habarlaıdy QazAqparat tilshisi.
«Kásipkerlikke Úkimet taǵy da qandaı kómek jasaı alady? Birinshi kezekte Úkimet startaptarǵa ınvestor bolýǵa tyryspaýy, sondaı-aq startap habtyń túrli jobalaryna sheneýnikterdiń qatysýǵa talpynbaýy qajet», - dep toqtaldy tanymal kásipker.
Sonymen qatar, ol Qazaqstanda ІT-startaptar salasynda qajetti qadamdar jasalyp jatqanyn, sáıkesinshe, ınvestıtsııalar men adamı kapıtalǵa erekshe kóńil bólinip otyrǵandyǵyn atap ótti.
«Negizinen, jańadan Google jáne Facebook oılap tabýǵa tyrysýdyń qajeti joq. Bul turǵyda jastar energııasy men ınvestorlar múmkindikteriniń ózara jaqsy baılanysyn qamtamasyz etýge tyrysyńyzdar. ıAǵnı, ınvestorlar talanttar men startaptardy ońaı tabýy kerek. Startaptar erkindikti jaqsy kóredi, osy oraıda bul salada salyqtyq erkindik berý kerek. Bunyń nátıjesinde olar Qazaqstan ekonomıkasyna qomaqty tabys alyp keledi», - dedi Bob Dorf.
Aıta keteıik, Bob Dorf 5 qazan kúni Astanadaǵy «Digital Bridge» halyqaralyq ınnovatsııalyq forýmyna qatysqan bolatyn.
Budan buryn habarlanǵandaı, Elbasy Nursultan Nazarbaevtyń qatysýymen «Astana Hub» halyqaralyq ІT-startaptar tehnoparkiniń jumysyn resmı iske qosý sharasy ótti.
Saltanatty shara barasynda Prezıdent 2019 jyldyń 1 qańtarynan Qazaqstanda jańa ІT-ýnıversıtet jumys isteıtinin málim etti.
Aıta keteıik, Astana Hub mıssııasy - el ekonomıkasyn nyǵaıtý úshin startap-mádenıetti damytý jáne joǵary tehnologııalyq jobalardy qoldaý. Aldaǵy ýaqytta tehnopark Qazaqstan ınnovatsııasynyń ekojúıesin damytýdyń ózegi ári lokomotıvine aınalyp, tehnologııalyq bıznesti damytý úshin halyqaralyq deńgeıde moıyndalǵan hab bolýy qajet. Jalpy Astana Hub 2022 jylǵa qaraı startap-rezıdentterdi ınvestıtsııalaý kórsetkishin 67 mlrd teńgege jetkizýdi maqsat etip otyr.
