Álemge tanylǵan Kabırhan tulpary qazir qaıda

ALMATY. KAZINFORM — Kabırhannyń ıesi Tilek Muhambetqalıev agenttik tilshisine qazir sáıgúlik qaıda ekenin aıtty.

Onyń aıtýynsha, talaı jarysta dúl-dúl ozǵan Kabırhan qazir Dýbaıda. Jarys maýsymy aıaqtalǵandyqtan, ol kúzge deıin sonda bolady. Jańa maýsymǵa deıin demalady jáne daıyndalady.

— Jaǵdaıy jaqsy, — dedi Tilek Muhambetqalıev.

Eske salaıyq, byltyr 12 qańtarda Dýbaıdaǵy Meıdan ıppodromynda ótken bedeldi báıgede qazaqstandyq Kabırhan esimdi tulpar jeńiske jetti.

Odan keıin Dýbaıda ótken Al Maktoum Challenge týrnıriniń birinshi toptaǵy úzdik attar báıgesinde Kabırhan máre syzyǵyn taǵy da birinshi bolyp kesti.

«Respýblıkalyq zaýyt jylqylary tuqymy palatasy» prezıdenti Talǵat Jaısanbaev Kabırhan álemdegi eń úzdik ondyqqa kire alatynyn aıtty.