«Álemge qushaq ashqan - Túrkistan» atty jańa joba bastaldy
Maqsat – Túrkistan qalasyn ǵalamdyq iri týrızm ortalyǵyna aınaldyrý jáne qyzmet kórsetý sapasyn jaqsartýda eriktilerdiń kómegimen jańa tásilder qalyptastyrý.
Іs-shara barysynda týrıster kóp keletin qoǵamdyq oryndar men kórneki jerlerge «Altyn qaǵıdalar» engizildi. Eriktiler qaladaǵy dámhanalar men meıramhanalardy jáne ózge de qoǵamdyq tamaqtaný oryndaryn aralap arnaıy jadynamalardy taratty. Onda qalaǵa kelgen qonaqtarǵa sapaly qyzmet kórsetý, jol silteý, qonaqjaılylyq tanytý sekildi keńester jazylǵan.
Oblystyq jastar resýrstyq ortalyǵy dırektorynyń mindetin atqarýshy Amalbek Ómirtaı jastardyń qolǵa alǵan ıgi bastamasyn qoldaýǵa shaqyrdy.
- Qalaǵa kelgen qonaqtarǵa qyzmet kórsetý úshin árbir adamnyń shet tilin bilýi mańyzdy emes. Tek kúlimdep qarsy alyp, sapaly qyzmet kórsetilse, jetkilikti. Árbir kelýshige darhan kóńilimizdi bildirip, umytylmas saıahatta júrgenderin sezindirýimiz qajet, – deıdi A.Dárkenuly.
Jańa joba aıasynda qoldanysqa túsken «Altyn qaǵıdalar» aldaǵy ýaqytta árbir túrkistandyqtyń ustanar basty qaǵıdatyna aınalatyndyǵyna erikti jastar senimdi.
- Men Túrkistanǵa kelgen árbir qonaqtyń úlken áserge bólengenin qalaımyn. Ári qonaqjaılylyǵymyzdyń kýási bolyp, qalamyz jaıynda jaqsy pikir qalyptassa deımin. Sondyqtan da bul ıgi iske óz úlesimdi qosýdamyn, – deıdi erikti Aıdana Esirkep.
