Álemge kıbersoǵys qaýpi bar ma
NUR-SULTAN. QazAqparat - Kompıýterlik shabýyldardyń artynda memleketter qoldanatyn qylmystyq toptar turady. ıAǵnı, kıbersoǵys stsenarııi bolýy ábden múmkin deýge negiz bar, dep jazady Le Figaro basylymy.
«Kıbershabýyldar ınfraqurylymǵa keri áser etkenimen, ázirge qoǵam men ekonomıkaǵa yqpal ete almady. Biraq, bul ýaqyttyń enshisinde. Bolashaqta kıbershabýyl men jasandy ıntellekt birikse, ne bolatynyn elestetip kórińiz», - dep jazady avtor.
Onyń aıtýynsha, álem elderiniń áskeri bolashaq kıbersoǵysqa daıyndalyp jatyr.
«Kıbersoǵys qaýpi joǵary. Ol negizinen kıbershabýyldarǵa baılanysty. Ásirese, júıelerdi buǵattap, «kepilge alyp», sol úshin aqsha suraý qaýpi joǵary», - deıdi mamandar.
Mamandar kıberqylmys pen kıberqarýdyń arasyndaǵy aıyrmashylyq biz oılaǵannan da az ekenin aıtady.
«Halyqaralyq qaýymdastyqtar kıbershekaraǵa baılanysty kelisimge kele almaı jatyr. Sonymen qatar kıbersoǵys alańy qandaı bolady degen máseleni de naqtylap alý kerek», - delingen maqalada.
