"Álemge birligi jarasqan berekeli el retinde tanyldyq» - baspasózge sholý

«Egemen Qazaqstan» gazetiniń 1 jeltoqsan kúni shyqqan sanyndaQR Parlamenti Senatynyń depýtaty, Palatanyń Halyqaralyq qatynastar, qorǵanys jáne qaýipsizdik komıtetiniń tóraǵasy, keshe ǵana Astanada otyrysy ótken EQYU Parlamenttik Assambleıasynyń múshesi Qýanysh Sultanovtyń «Rýh Tóreligi» atty kólemdi maqalasy basyldy. «Eýropa óz sheshiminde qate­les­ken joq. Qazaqstannyń EQYU-ǵa tór­aǵa­­lyǵy birden serpilispen bas­taldy. Uıym múshelerine bu­ryn bolmaǵan tyń joba usy­nyl­dy. 2010 jyl EQYU-ǵa jańa dem berdi. Jyl boı­yna Іs basyndaǵy tóraǵa, Qazaqstan Syrtqy ister mı­nıstri Qanat Saýda­baev EQYU-nyń keńistigindegi elderge sa­pa­ryn tolassyz júrgizip, qor­da­­lanyp qalǵan qaıshylyqty pro­ble­ma­lardy sheshý joldaryn tal­qy­laýmen keledi. Tóraǵalyq aıa­synda bir jyl ishinde budan bu­ryn ótkizilmegen halyqaralyq uıym­nyń bedelin kóte­retin naq­ty sharalar ótkizildi. Solar­dyń eń bastysy, sóz joq, 11 jyldan be­ri kezdesýdiń reti bolmaǵan memleket Basshylarynyń Sammıti», - deıdi Q. Sultanov maqalasynda.

«Egemen Qazaqstan» basylymynyń osy kúni jaryq kórgen sanynda «Álemge birligi jarasqan berekeli el retinde tanyldyq» degen taqyryppen «Nur Otan» partııasy Tóraǵasynyń birinshi orynbasary Nurlan Nyǵmatýlınmen bolǵan suhbaty shyqty. Tilshi suraqtaryna tigisin jatqyzyp turyp jaýap bergen N. Nyǵmatýllın: «Aldaǵy bolatyn Sammıttiń negizgi maqsaty aıqyn, ol eýrazııalyq qaýipsizdik sanatyn ózekti etýmen qatar, EQYU-ny qazirgi zaman talaptaryna beıimdeýge jasalǵan tyń qadam bolyp tabylady. Qazaqstannyń EQYU-ǵa tóraǵalyq etýi Uıym qyzmetindegi osy jańa basymdyqty nyǵaıtýǵa járdemdesetin bola­dy. Biz EQYU-ny nyǵaıtýǵa, qaýipsizdiktiń ártúrli ólshemderiniń arasynda oryn alatyn teńgerimsizdikti boldyrmaýǵa járdemdesetin sheshimder kútemiz. Munyń ózi uıymnyń jańa synaqtar men qaterlerge qarsy is-qımyl jasaý jónindegi múmkindikterin keńeıtý turǵysynda óte mańyzdy», - deıdi.

«Aıqyn» gazetiniń búgingi nómirinde «Pan Gı MÝN, BUU Bas hatshysy: Bul - Qazaqstannyń kóshbasshylyǵyn moıyndaý, Prezıdent Nazarbaevtyń halyqaralyq deńgeıde moıyndalýy» degen taqyryppen maqala jarııalandy. Onda keshe Elbasy Nursultan Nazarbaev batystyq bedeldi uıymnyń uly quryltaıyna qatysý úshin Qazaq eliniń bas qalasyna kelip jatqan bıik mártebeli meımandaryn óz Aqordasynda qabyldady. Qazaq jerine alǵashqylardyń biri bolyp, jahandyq uıymnyń basshysy - BUU Bas hatshysy Pan Gı Mýn taban tiregeni aıtylady. «Nursultan Nazarbaev pen Pan Gı Mýn Qazaq eli men Birikken Ulttar Uıymynyń tize qosa jasaıtyn is-qımylyn talqylaǵan, jahandyq jáne aımaqtyq saıasattaǵy eń kókeıkesti túıtkilderdi áńgime etip, jiliktegen. «Men Prezıdenttiń ıadrolyq qarýsyzdaný jáne jappaı qyryp-joıý qarýlaryn taratpaý týraly jahandyq bastamasyn rızashylyqpen atap óttim. Qazaqstannyń kóshbasshysynyń Jarlyǵymen Semeı ıadrolyq polıgonynyń jabylǵanyna ekpin saldym, - dedi qabyldaýdan keıin jýrnalısterge suhbat bergen Pan Gı Mýn. - Biz, búkil álem bolyp, Prezıdent Nursultan Nazarbaevtyń bastamasymen 29 tamyzdy ıAdrolyq synaqtarǵa qarsy is-qımyl halyqaralyq kúni retinde atap ótemiz. Bul - qazaqtardyń tarıhta qalar izi», - delingen maqalada.

«Aıqyn» basylymynyń osy sanynda «Qazaqstan - jahandyq deńgeıde oılaıtyn memleket» atty kólemdi maqala shyqty. Munda «búginde álemdik dıplomatııanyń belsendi oıynshysy bolyp otyrǵan Qazaqstan úshin EQYU Sammıti ne beredi, sonymen qatar bul quryltaıdan Álem ne kútedi?» degen taqyrypta sarapshynyń pikiri kórinis tapqan. «EQYU sammıti sırek ótetin bolǵandyqtan Astanada ótip jatqan alqaly jıynda óte mańyzdy sheshimder qabyldanatyn bolady. Bul máselen, Prıdnestrove men Taýly Qarabah kıkiljińderin retteýge qatysty bolýy múmkin. Eger EQYU-nyń qorytyndy qujaty Helsınkı hartııasy sııaqty «Astana hartııasy» degen atpen qabyldanatyndaı jaǵdaı týyndap jatsa, tańǵalýdyń qajeti joq», - dep túıindeıdi sózin maqala avtory.

«Alash aınasy» basylymynyń búgingi jarııalanymynda «Qazaqstandyq kózqaras keıbir normalardy qaıta qaraýǵa negiz bolady» atty taqyrybynda maqala shyqty. «EQYU dúnıejúzilik saıası-ekonomıkalyq júıeni qalyptastyratyn ınstıtýttardyń biri. Dúnıejúzilik saýda uıymy (DSU), Halyqaralyq valıýta qory (HVQ), Dúnıejúzilik bank (DB) tárizdi uıymdardyń maqsaty - saıası-ekonomıkalyq ıdeıalar men normalardy qalyptastyrý jáne olardy nasıhattaý ekeni belgili. Qazirgi tańda bul uıymdar álemdik erkin saýda ortasyn qalyptastyrý, memlekettiń ekonomıkaǵa aralasýyn shekteý jáne básekelestikti damytý sııaqty normalardy nasıhattaıdy. EQYU-ǵa qatysty bul normalar «Kásipkerlik jáne ınvestıtsııalyq ortany jaqsartýǵa arnalǵan úzdik úlgi-nusqaýlyǵynda» (Best-Practice Guide for a Positive Business and Investment Climate) qarastyrylǵan», dep baıandalatyn materıaldyń barysynda «bul normalar Qazaqstannyń jáne basqa da damýshy elderdin ekonomıkalyq damýyna úles qosa ma?» degen suraqqa jaýap izdeledi.

Sonymen qatar basylym Bishkek qalasyndaǵy sport saraılarynyń birinde keshe tańǵy saǵat 8.50-de bolǵan jarylys týraly «Bishkekte jarylys bolyp, alty adam zardap shekti» degen taqyrypta keńeıtilgen aqparat jarııalady.

1 jeltoqsan kúni «Kazahstanskaıa pravda» basylymynda keshe ǵana Astanada ótken EQYU Parlamenttik Assambleıasy otyrysynyń jumysy jaıynda «Sýbekt globalnogo doverııa» atty maqala basyldy. Sonymen qatar AQSh-tyń melekettik hatshysy Hılları Klıntonnyń elordadaǵy L.Gýmılev atyndaǵy Eýrazııa ulttyq ýnıversıtetinde JOO-nyń oqytýshy-professorlyq quramymen jáne Qazaqstannyń ÚEU-men bolǵan kezdesýi týraly «Hılları Klınton: Progress ochevıden» atty aqparat jaryq kórdi.