Álemge áıgili jıhankez ıAtsek Palkevıch: Marko Polonyń izimen Qazaqstandy aralap ótemin
ASTANA. QazAqparat - Álemge áıgili polıak jıhankezi ıAtsek Palkevıch «Uly Jibek joly» brendi, Qazaqstannyń týrıstik áleýeti men Eýropa, Azııa elderi kiretin týrıstik odaq qurýdyń mańyzy týraly aıtyp berdi, dep habarlaıdy «QazAqparat» HAA tilshisi.
Eske sala ketsek, 2018 jyly Qytaıdan attanyp, Polshada máresine jetetin «Jańa Uly Jibek joly» halyqaralyq ekspedıtsııasy Qazaqstannyń kıeli oryndaryn basyp ótpek. «Jańa Uly Jibek joly» halyqaralyq ekspedıtsııasy QR Mádenıet jáne sport mınıstrliginiń qoldaýymen júzege asyrylmaq. Ekspedıtsııanyń jetekshisi - álemge áıgili jıhanger - ıAtsek Palkevıch.
ıAtsek Palkevıchtiń Gobı jáne Sahara shólderin basyp ótip, ondaǵan aýyr ekspedıtsııalardy artqa tastap, Namıbııadaǵy Súıek jaǵalaýy jáne uly Amazonka ózeniniń naqty bastaýyn anyqtaǵan ǵalym ekenin aıta ketý kerek. Osy ekspedıtsııa barysynda ol 10 myń shaqyrymǵa jýyq jerdi Qytaı, Qyrǵyzstan, Ózbekstan, Qazaqstan jáne Reseı, Belarýs pen Polsha arqyly ótýdi josparlap otyr.
OKQ-da ótken baspasóz máslıhatynda ıAtsek Palkevıch halyqaralyq ekspedıtsııany uıymdastyryp otyrǵan qazaqstandyq tarapqa zor alǵysyn bildirdi.
««Uly Jibek joly» kóne zamanda tek qana saýda baǵdary bolǵan joq. Ol Eýrazııa elderiniń mádenıetin baılanystyrǵan biregeı baǵdar edi. Óziniń qaıtalanbas tarıhymen «Uly Jibek joly» meni burynnan qyzyqtyratyn. «Jańa Uly Jibek joly» halyqaralyq ekspedıtsııasynyń maqsaty ne degen suraqty kópshilik surap jatyr. Biz osy joldy júrip ótip, tarıhty jańǵyrtqymyz keledi. Mádenı kókjıekterdi keńeıtip, elderdiń baılanysyna úles qossaq deımiz. Qazaqstan sekildi Polshada da kıeli óńirler jeterlik. Kóp adamdar bul Ortalyq Azııa, onda Polshanyń oǵan qandaı qatysy bar dep suraıdy. Biraq, tarıhı baılanystardy eshkim joqqa shyǵara almaıdy. Uly Jibek jolyndaǵy saýdagerler Kıev arqyly Polshaǵa jol tartqan. Demek, tarıhı baılanys erteden qalyptasqan. Men úlgi tutatyn tulǵa - Uly Jibek jolymen júrip ótken Marko Polo. Sol tarıhı tulǵanyń izimen Qazaqstan jerin aralap ótemin», - deıdi ol.
Jıhankezdiń aıtýynsha, «Kazakh Tourism» Ulttyq kompanııasy» AQ-nyń kótergen bastamasy boıynsha, Uly Jibek joly boıyndaǵy memleketterdiń týrıstik odaǵyn qurýdyń mańyzy zor.
«Uly Jibek joly - kóne tarıhtan beri kele jatqan eń áıgili saýda markasy. Tipti, «Uly Jibek jolynyń» biregeıligi «Dısneı» nemese «Koka-kola» sekildi brendterden de qyzyqty ári áleýetti bolýy da múmkin. Muny tek álem halqyna kórsete bilý kerek. Sondyqtan, halyqaralyq «Uly Jibek joly» brendi arqyly halyqaralyq platforma qurýdyń mańyzy zor dep aıtar edim», - deıdi ol.
ıAtsek Palkevıch, sonymen birge, Qazaqstanǵa birneshe ret kele otyryp, mundaǵy halyqtyń babalardyń murasy men dástúrine adaldyǵyn erekshe baıqaǵanyn aıtady.
«Álem elderin aralap júrip, kóptegen elderde ótkenge degen osynaý qurmetti kóre bermeımin. Eýropa búgingi tańda Qazaqstan sekildi alyp memleket bar ekenin, onyń Astanasy kórkem qalalardyń biri ekenin tanyp bildi. 10 jyl buryn bul memleket týraly Eýropa elderi bile bermeıtin. Ortalyq Azııada Qazaqstannyń kóshbasshy ekenin de, memlekettik bıik dárejege kótergen Nursultan Nazarbaevty jaqsy biledi», - deıdi ıAtsek Palkevıch.
