Álemge áıgili opera ánshisi Ermek Serkebaev jaıyndaǵy kitap jaryq kórdi
ALMATY. 21 jeltoqsan. QazAqparat /Erbol Turymbetov/ - Búgin Almatydaǵy «Meloman Grand» dúkeninde Irına Serkebaeva óziniń «Ermek Serkebaev. Ómir, jastyq shaq jáne baqyt» atty jańa kitabyn tanystyrdy.
Kitap opera ánshisi, KSRO halyq ártisi Ermek Serkebaevtyń ómiri men shyǵarmashylyǵyna arnalǵan. Kitaptyń birinshi bóliminde Irına óziniń balalyq shaǵy men áıgili ártis otbasyndaǵy ómiri týraly jazǵan. Ekinshi bóliminde Ermek Serkebaev óziniń balalyq shaǵy, ata-anasy, sahnadaǵy dostary men áriptesteri, saparlary jáne búgingi operanyń túıtkildi máselelerin áńgime etedi. Al úshinshi bólimdi jazýǵa Irınaǵa Bıbigúl Tólegenova, Bazarǵalı Jamanbaev, Esmuhan Obaev jáne basqa tanymal óner men mádenıet qaıratkerleri kómektesken. Olardyń árqaısysy óz kózqarasyn aıta otyryp, barlyǵy E. Serkebaevtyń tulǵasyn jasaǵan.
«Bul meniń úshinshi týyndym. Kitapty jazýǵa jylǵa jýyq ýaqyt ketti. Eńbekti Qazaqstanmen birge, AQSh-ta júrip te jazýǵa týra keldi», - dedi avtor.
Shyǵamany kórkemdeý jumystaryn belgili qazaqstandyq sýretshi Balnur Asanova jasaǵan. Týyndy «Jibek Joly» baspasynan jaryq kórgen.
