Álemge áıgili «Nick Jr» arnasy qazaq tilinde kórsetiledi

ASTANA. QazAqparat - Bıyldan bastap balalarǵa arnalǵan álemge tanymal «Nick Jr» arnasy qazaq tilinde kórsetile bastaıdy, dep habarlaıdy QazAqparat QR Aqparat jáne qoǵamdyq damý mınıstrliginiń Instagram paraqshasyna silteme jasap.

«Ózderińizge málim, memlekettik tildegi balalar kontentin damytý maqsatynda 2021 jyldan beri «Nickelodeon» balalar telearnasynyń ónimderin qazaq tiline aýdarý jobasy iske asyrylyp jatyr. 2021 jyly «Nickelodeon» telearnasynyń 465 saǵattyq mazmuny aýdarylsa, 2022 jyly 345 saǵattyq ónim qazaq tilinde sóıleı bastady»,-delingen habarlamada.