Álemge áıgili boys-bendtiń solısteri qyzdar bolyp shyqty
ASTANA. QazAqparat - Jastar arasynda keńinen tanymal qytaılyq Acrush tobynyń «jigitteri» shyntýaıtynda qyzdar ekendikterin moıyndady, dep habarlaıdy QazAqparat Quartz saıtyna silteme jasap.
Naýryz aıynda Qytaıdaǵy Tencent áleýmettik jelisi eldegi joǵary oqý oryndarynda «Kúıeý kórmesi» ("Husband Exhibition") atty mýzykalyq is-shara ótkizgen bolatyn. Onyń maqsaty - jańadan shyǵyp júrgen ánshilerdi kópshilikke tanystyryp, ózderiniń súıikti ánshilerin «kúıeýimiz» dep esepteıtin qytaılyq jankúıer qyzdarmen júzdestirý.
Shara barysynda ózderin jigit retinde kórsetip júrgen boys-bendtiń músheleri jankúıerlerine qyzdar ekendikterin jaıyp saldy.
Top menedjeriniń málimdeýinshe, bul aqparattyń belgili bolýy ártisterdiń tanymaldylyǵyna keri áserin tıgizbegen.
Acrush tobynyń quramynda bes ánshi óner kórsetedi. Olardyń barlyǵynyń jasy 20-lar shamasynda. Olardyń álem boıynsha mıllıondaǵan tyńdarmany bar.
