Álemdik jáne dástúrli dinder lıderleriniń kelesi Sezi 2028 jyly ótedi
ASTANA. KAZINFORM – Búgin elordada Álemdik jáne dástúrli dinder lıderleri Sezi hatshylyǵynyń XXIII otyrysynda aldaǵy VIII Sez deklaratsııasy qorytyndy qujatynyń jobasy maquldandy.
Sonymen qatar, búgingi jıyn barysynda Álemdik jáne dástúrli dinder lıderleri Sezi hatshylyǵynyń XXIV otyrysynyń datasy qaraldy.
- Bul másele osyǵan deıin jumys tobynda talqylaǵan bolatyn. Osy oraıda jumys tobynyń Álemdik jáne dástúrli dinder kóshbasshylary Sezi Hatshylyǵynyń kelesi otyrysyn 2026 jylǵy 7 qazanda Astana qalasynda ótkizý týraly usynysyn qoldaýdy jón dep sanaımyn. Kelesi Álemdik jáne dástúrli dinder kóshbasshylarynyń toǵyzynshy Sezin 2028 jyly Astanada ótkizý usynylady. Sezdiń naqty kúnderi keıinirek anyqtalady, - dedi Álemdik jáne dástúrli dinder lıderleri Sezi hatshylyǵynyń basshysy – Qazaqstan Senatynyń tóraǵasy Máýlen Áshimbaev málim etti.
Atap aıtqanda, Hatshylyq otyrysy men toǵyzynshy Sezdi uıymdastyrý datalaryna qatysty usynys bıyl 17 qazanda ótetin VIII Sezdiń qorytyndy deklaratsııasynda qamtylady.
Budan buryn habarlanǵandaı, QR Senatynyń tóraǵasy Máýlen Áshimbaev halyqaralyq qaýipsizdik boıynsha barlyq áreket BUU jarǵysyna sáıkes bolýy tıis ekenin aıtty.