Álemdik sportty baǵyndyrǵan áıelder: sońǵy jyldardaǵy jarqyn jetistikter
ASTANA. KAZINFORM — 2020 jyly dene shynyqtyrý jáne sportpen júıeli túrde aınalysatyn áıelder sany 1,6 mln bolsa, 2025 jyldyń qorytyndysy boıynsha 2,7 mln adamǵa jetken, dep habarlaıdy Týrızm jáne sport mınıstrliginiń baspasóz qyzmeti.
2020 jylǵy el qorjynyn júldemen toltyrǵan sportshy qyzdar
2020 jylǵy Jazǵy Paralımpıadada Zarına Baıbatına kúmis medal jeńip aldy.
2022 jyly Kashıas-dý-Sýl (Brazılııa) qalasynda ótken 2021 jylǵy Jazǵy Sýrdlımpıada oıyndarynda Anna Kramorova men Dına Adambaeva sýrdo dzıýdodan qola medal ıelendi.
Al Aıjomol Ábdiqatova sýrdo taekvondodan qola medal jeńip aldy.
Sofıa Berýltseva 2020 jylǵy Tokıodaǵy jazǵy Olımpıada oıyndarynyń qola júldegeri, shahmattan úsh dúrkin álem chempıony (2021,2022,2025 j. j.), 2023 jylǵy XIX Jazǵy Azııa oıyndarynyń qola júldegeri atandy.
2024 jyly — 425 medal
2024 jyldyń qorytyndysy boıynsha áıel sportshylarymyz álemdik arenada joǵary nátıjelerge qol jetkizdi. Olımpıada oıyndary, Álem, Azııa, Eýropa chempıonattary men kýboktarynda, sondaı-aq túrli halyqaralyq jáne taǵy basqa bedeldi jarystarda olar el namysyn abyroımen qorǵap, barlyǵy 425 medal jeńip aldy (135 altyn, 143 kúmis, 147 qola).
Olardyń qatarynda Olımpıada oıyndarynyń qola júldegerleri Nazym Qyzaıbaı jáne Aleksandra Le, Jibek Qulymbetova djıý-djıtsýdan álem chempıony atanǵanyn ótýge bolady.
2024 jylǵy Jazǵy Paralımpıada oıyndarynda Aqmaral Naýatbek para dzıýdodan altyn medalǵa ıe boldy.
Al para dzıýdodan Zarına Raıfova men Daıana Fedosova qola medal jeńip aldy.
2025 jyl — 309 medal
2025 jyldyń qorytyndysy boıynsha áıel sportshylarymyz tabysty óner kórsetip, Álem, Azııa jáne Eýropa chempıonattary men kýboktarynda, sondaı-aq halyqaralyq jáne basqa da álemdik jarystarda 309 medal ıelendi (99 altyn, 101 kúmis, 109 qola).
Ulybrıtanııanyń Lıverpýl qalasynda bokstan ótken Álem chempıonatynda Alýa Balqybekova, Aıda Ábikeeva, Natalıa Bogdanova 1-orynǵa, Nazym Qyzaıbaı 2-orynǵa, Vıktorııa Grafeeva men Eldana Tálipova 3-orynǵa qol jetkizdi.
Ábıba Ábýjaqynova Býdapeshtte (Majarstan) ótken Álem chempıonatynda tarıhı kúmis medaldi jeńip aldy.
Bul nátıje Qazaqstanda áıelder dzıýdosynyń tarıhyndaǵy eń úzdik kórsetkish sanalady. Frıstaıl-mogýldan Álem chempıonatynda Anastasııa Gorodko qola medalǵa ıe boldy.
Bolgarııada ótken jasóspirimder arasyndaǵy kórkem gımnastıkadan Álem chempıonatynda Qazaqstan tarıhynda alǵash ret altyn medaldi Aqmaral Erekesheva jeńip aldy.
2025 jyly Tokıo (Japonııa) qalasynda ótken 2025 jylǵy Jazǵy Sýrdlımpıada oıyndarynda Amına Faızýlına sýrdo dzıýdodan altyn medal, Anna Kramorova sýrdo dzıýdodan qola medal (3-oryn) ıelendi.
Faına Meırmanova sýrdo jeńil atletıkadan altyn medal jeńip aldy.
Aıym Jetpisbaeva sýrdo dzıýdodan qola medal, al Aıjomol Ábdiqatova men Aıda Makatova sýrdo taekvondodan qola medal ıelendi.
2026 jyldan úmit kóp
Al 2026 jyly jasóspirimder arasyndaǵy álem chempıonatynda konkımen júgirýden Krıstına Shýmekova bes altyn jáne bir kúmis medal jeńip alyp, sensatsııalyq nátıjege qol jetkizdi.
Budan buryn Indıan-Ýells týrnırinde Anna Danılına kelesi aınalymǵa ótkenin jazdyq.
