Álemdik reıtıngte kósh bastap shpagashylarymyz taǵy bir mańyzdy jarysqa qatysady
ASTANA. KAZINFORM — 12-14 qarasha aralyǵynda Shveıtsarııanyń Bern qalasynda semserlesýden erler arasynda álem kýbogynyń kezeńi ótedi.
Qazaqstan quramasy shpagadan jekeleı jáne komandalyq jarystarda baq synaıdy.
Jekeleı synda Elmır Álimjanov, Aleksandr Fedotov, Ańsar Qasen, Rýslan Qurbanov, Bogdan Lýkın, Kırıll Pavlov, Kırıll Prohodov, Vadım Sharlaımov jáne Georgıı Tınnıkov el namysyn qorǵaıdy.
Al komandalyq jarysta Qazaqstan atynan Elmır Álimjanov, Rýslan Kýrbanov, Kırıll Prohodov jáne Vadım Sharlaımov synǵa túsedi.
Aıta keteıik, qazan aıynda Qazaqstan erler quramasy semserlesýden Marokkonyń Kasablanka qalasynda ótken álem kýbogy kezeńinde top jardy. Osy jeńisten keıin ulttyq qurama álemdik reıtıngte kósh bastap tur.
Eske salaıyq, buǵan deıin Qazaqstan semserlesýshileri U23 Azııa chempıonatyn 11 medalmen aıaqtaǵanyn habarlaǵanbyz.
