Álemdik reıtıngte qazaqstandyq boksshylar qaı orynda keledi

ASTANA. KAZINFORM — World Boxing uıymy bokstan áıelder jáne erler arasyndaǵy jańartylǵan álemdik reıtıngti jarııalady.

Bul reıtıngte áıelder arasynda Aıda Ábikeeva (65 keli) Natalıa Bogdanova (70 keli) kósh basynda keledi. Onda Nazym Qyzaıbaı men Alýa Balqybekova ekinshi, Vıktorııa Grafeeva men Eldana Talıpova úshinshi orynda jaıǵasty.

Al erler arasynda Sanjar Táshkenbaı (50 keli), Mahmud Sabyrhan (55 keli), Tórehan Sabyrhan (70 keli), Aıbek Oralbaı (90 keliden joǵary) álemdik reıtıngte kósh bastasa, Nurbek Oralbaı ekinshi orynda tur.

Aıta ketsek, budan buryn bas bapker Nurjan Nasanov jetekshiligimen bokstan Qazaqstan erler quramasy Túrkistan oblysynda birlesken oqý-jattyǵý jıynyn bastap ketti.

Daıyndyq barysynda olar aldaǵy Azııa chempıonatyna daıyndyq júrgizedi. Halyqaralyq deńgeıdegi jattyǵý jıynyna Ózbekstan, Túrikmenstan, Germanııa, Túrkııa quramalary keldi.

Aıta keteıik, eresekter arasyndaǵy Azııa chempıonaty 28 naýryz-11 sáýir aralyǵynda Mońǵolııa astanasy Ulan-Batyrda ótedi. Birinshilik aldynda sol jerde de birlesken oqý-jattyǵý jıyny uıymdastyrylady.