Álemdik reıtıng: Pýtıntsevanyń kezekti rekordy, Rybakına 5-orynda

ASTANA. KAZINFORM — Áıelder tennısi qaýymdastyǵy (WTA) jekeleı jáne juptyq synda jańartylǵan reıtıngini jarııa etti.

Qazaqstannyń birinshi raketkasy Elena Rybakına 7-den 5-orynǵa kóterildi.

ıÝlııa Pýtıntseva 23-ten 20-satyǵa ornalasty. Bul — onyń kezekti jeke rekordy.

Sondaı-aq Jibek Qulambaeva 319-dan 322-ge, Zarına Dııas 366-dan 361-ge, Sandýǵash Kenjebaeva 894-ten 889-ǵa, Anna Danılına 891-den 886-ǵa, Arýjan Saǵyndyqova 970-ten birden 926-ǵa (+44) aýysty. Sonıa Jıenbaeva 633-te qaldy.

Úzdik úshtikte ózgeris joq, belorýssııalyq Arına Sobolenko kósh bastasa, Polsha ókili Iga Shventek ekinshi, amerıkalyq Korı Gaýff úshinshi satyda.

Aýstralııa ashyq chempıonatynyń jeńimpazy, amerıkalyq Medıson Kız 14-ten 7-orynǵa shyqty.
Juptyq synda Qazaqstannyń birinshi raketkasy Anna Danılına 22-den 20-ǵa jaıǵasty.

Munda chehııalyq Katerına Sınıakova, jańazelandııalyq Erın Rýtlıff, amerıkalyq Teılor Taýnsend alda keledi.

Eske sala keteıik, budan buryn Aýstralııa chempıonatynda ıtalııalyq tennısshiniń ekinshi jyl qatarynan jeńimpaz atanǵanyn jazǵan bolatynbyz.