Álemdik reıtıng: Elena Rybakına 4-shi, Aleksandr Býblık 30-orynǵa kóterildi

Qazaqstannyń úzdik tennısshileri álemdik reıtıngtegi kórsetkishterin jaqsartty, dep habarlaıdy Kazinform.

Áıelder tennısi qaýymdastyǵy (WTA) jańartqan reıtıngte Elena Rybakına amerıkalyq Djessıka Pegýlany basyp ozyp, 5-ten tórtinshi orynǵa kóterildi.

Úzdik úshtikte burynǵysha Belarýs ókili Arına Sobolenko, Iga Shventek (Polsha), amerıkalyq Korı Gaýff tur.

Taǵy bir qazaqstandyq ıÝlııa Pýtıntseva 66-dan 70-ke tómendedi.

Juptyq synda Anna Danılına 32-den 57-ge, E.Rybakına 115-ten 118-ge, Jibek Qulambaeva 157-den 160-qa syrǵydy.

Munda álem boıynsha D.Pegýla kósh basyna kóterilse, K.Gaýff ekinshi, aýstralııalyq Storm Hanter úshinshi satyda keledi.

Erler arasynda Kásibı tennısshiler qaýymdastyǵynyń (ATP) reıtıngisinde bastapqy úshtik ózgerissiz qaldy: serbııalyq Novak Djokovıch, ıspanııalyq Karlos Alkaras, reseılik Danııl Medvedev toptyń aldyn bermeýde.

Belgııadaǵy Antverpen týrnırinde úzdik shyqqan Aleksandr Býblık 36-dan 30-ǵa joǵarylap, TOP-30-dyń qataryna kirdi. Onyń álemdik reıtıngtegi rekordtyq kórsetkishi – 25-oryn.
Juptyq synda amerıkalyq Ostın Kraıchek, horvatııalyq Ivan Dodıg, nıderlandylyq Ýeslı Kolhof alǵashqy úshtikke jaıǵasty.

Qazaqstandyq Aleksandr Nedovesov 43-ten 44-ke aýyssa, Shvetsııadaǵy jarysta jeńimpaz atanǵan Andreı Golýbev 62-den 57-ge shyqty.

Eske sala keteıik, Andreı Golýbevtiń Shvetsııadaǵy ATP týrnıriniń jeńimpazy atanǵanyn jazǵan bolatynbyz.

Sondaı-aq Aleksandr Býblık Belgııadaǵy týrnırdiń chempıony atandy.