Álemdik opera juldyzy Naýryz meıramynda jerlesterine syılyq jasady
PAVLODAR. KAZINFORM — Italııadaǵy «La skala» teatrynyń opera ánshisi, tanymal jerlesimiz Marııa Mýdrıak pen «Astana balet» teatry Naýryz meıramyna oraı Pavlodarda kontsert ótkizdi.
Naýryz merekesi qarsańynda oblys turǵyndary Estaı atyndaǵy mádenıet saraıynda álemdik opera juldyzy Marııa Mýdrıak pen «Astana balet» teatry sımfonııalyq orkestriniń kontsertin tamashalady.
Baǵdarlamada ıtalııalyq opera, aýstrııalyq operettanyń romantıka jáne ıspandyq sarsýela janryndaǵy úzdik shyǵarmalar oryndaldy.
— Maǵan ózimniń týyp-ósken Pavlodarymda kontsert berýge múmkindik berilgenine óte qýanyshtymyn. Sondaı-aq, «Astana balet» teatryna ózderiniń sımfonııalyq orkestrimen birge óner kórsetýge taǵy bir múmkindik bergeni úshin alǵysymdy bildiremin, — dedi Marııa Mýdrıak.
Qazirgi zamannyń eń ádemi jáne biregeı daýystarynyń birin tyńdaýǵa múmkindik berilgen bul kontsert Pavlodar oblysynyń ǵana emes, elimizdiń de jarqyn mádenı oqıǵasyna aınaldy.
Marııa Mýdrıak án aıtýdy úsh jasynan bastaǵan. 5 jasynda Pavlodar qalasynyń № 1 mýzykalyq mektebine oqýǵa túsedi. Al 13 jasynan bastap Djýzeppe Verdı atyndaǵy Mılan memlekettik konservatorııasyna túsip, «La Skala» teatrynyń qoıylymdaryna qatysty.
Eske sala keteıik, Londondyq tanymal rejısser Pavlodar teatrynyń akterlerimen premera daıyndap jatyr.