Álemdik naryqta kómir baǵasy tonnasyna 145 dollarǵa deıin ósti

ASTANA. KAZINFORM – Taıaý Shyǵystaǵy geosaıası shıelenis pen energııa resýrstaryna suranystyń artýy aıasynda álemdik naryqta kómir baǵasy tonnasyna shamamen 145 dollarǵa jetti. Bul týraly SPA habarlaıdy.

Qyrǵyzstanda kómir eksportyna salynǵan tyıym merzimi uzartyldy
Foto: Freepik

Kómir baǵasy sońǵy eki aıdaǵy eń tómengi deńgeıge túskennen keıin qaıta kóterile bastady. Buǵan energııa resýrstaryn jetkizýdiń turaqtylyǵyna qatysty alańdaýshylyq sebep bolǵan.

Belgisizdik jaǵdaıynda birqatar el men energetıkalyq kompanııa elektr energııasyn óndirý úshin kómirdi kóbirek paıdalanyp jatyr.

Naryqqa suıytylǵan tabıǵı gaz baǵasy da áser etip otyr. Buǵan deıin gazdyń qymbattaýy kómirge suranystyń artýyna yqpal etip, onyń baǵasy sońǵy birneshe jyldaǵy eń joǵary deńgeıge jetken edi.

Buǵan deıin Almatyda 2027 jyldan bastap kómir satýǵa tyıym salý josparlanyp otyrǵany habarlanǵan.

Osyǵan deıin Almatyda kómir baǵasyn qoldan kóterý nemese naryqtaǵy básekelestikke kedergi keltirý derekteri anyqtalsa, tıisti materıaldar Básekelestikti qorǵaý jáne damytý agenttiginiń Almaty oblysy boıynsha departamentine joldanatyny habarlandy.