Abaı oblysynda jol apattarynyń sany eki esege artty

SEMEI. KAZINFORM – Abaı oblysynda bıyl jol-kólik oqıǵalaryna túskender sany eki esege artyp ketken.

Jyl basynan beri óńir boıynsha 544 jol apaty tirkelgen. Ótken jylǵy kórsetkish – 279. Sondaı-aq jol-kólik oqıǵalarynan jaraqat alǵandar sany da eki esege artyp otyr. Bıyl 344 adam, byltyr 681 adam zardap shekken.

«Dese de jol apattarynan qaza bolǵandar sany 3 adamǵa (2023 jyly – 71, 2024 jyly – 68) azaıdy. Esepti kezeńde mototsıklderdiń qatysýymen 6 jol apaty bolyp, 3 adam kóz jumǵan. Ótken jyly 5 apat tirkelip, 1 adam mert bolǵan», - delingen aqparatta.

Jol-kólik oqıǵalarynyń aldyn alý jáne boldyrmaý úshin polıtseıler kólik jáne mototsıkl júrgizýshilerine jol qozǵalysy erejelerin saqtaý boıynsha túsindirý jumystaryn júrgizýde.

«Halyqty jyldamdyq rejımin saqtaýǵa, qaýipti manevrlerden aýlaq bolýǵa shaqyramyz. Jol qaýipsizdigin qamtamasyz etý úshin mototsıkl júrgizýshilerine qorǵanys shlemin kııý qajettigin eskertemiz», - delingen habarlamada.

Eske salsaq, osyǵan deıin Abaı oblysynda jol apatynan polıtseı mert bolǵany habarlanǵan.