Álemdik naryq Qazaqstan metaldaryna nege qyzyǵýshylyq tanytyp otyr

Úkimet basshysynyń aıtýynsha, búgingi tańda TMK elderdiń jahandyq básekege qabilettiliginiń negizgi faktorlarynyń birine aınalyp keledi.

Álem jańa ındýstrıaldy dáýirge qadam basty, onda energetıka, tsıfrlyq ekonomıka, jasandy ıntellekt, elektr kólikteri, mıkroelektronıka jáne aeroǵarysh salalarynyń damý qarqyny metaldar men mıneraldyq shıkizatqa senimdi qoljetimdilikke tikeleı baılanysty.

Halyqaralyq sarapshylardyń baǵalaýy boıynsha, aldaǵy onjyldyqtarda energetıkalyq ótpeli kezeń men jahandyq ekonomıkanyń tehnologııalyq transformatsııasy áserinen kóptegen metaldarǵa álemdik suranys turaqty túrde ósedi.

-Ozyq tehnologııalardy meńgerý, óńdeý jáne jahandyq óndiristik tizbekterge qatysý erekshe mańyzǵa ıe. Strategııalyq mańyzy bar mıneraldar naryǵy da erekshe ári joǵary suranysqa orynǵa ıe. Búginniń ózinde olar akkýmýlıatorlar, jartylaı ótkizgishter, energııa saqtaý júıeleri, tsıfrlyq ınfraqurylym jáne basqa da kóptegen biregeı tehnologııalar óndirisiniń negizine aınaldy. Іs júzinde dál osy strategııalyq mańyzdy mıneraldar jańa ındýstrııalyq dáýirdiń negizgi resýrstarynyń birine aınalyp keledi. Qazaqstan eleýli mıneraldyq-shıkizattyq áleýetke ıe jáne osy úderisterde laıyqty oryn ala alady. Elimiz paıdaly qazbalardyń birqatar túrleri boıynsha álemdik kóshbasshylar qataryna kiredi, al otandyq taý-ken metallýrgııa kesheniniń ónimderi álemniń iri naryqtarynda joǵary suranysqa ıe. Biz bul salany damytýdy elimizdiń jańa ónerkásiptik saıasatynyń strategııalyq baǵyttarynyń biri retinde qarastyramyz, — dep atap ótti Oljas Bektenov.

Aıta keteıik, osyǵan deıin habarlaǵanymyzdaı, Qazaqstan ekonomıkasy alǵash ret 300 mlrd dollarlyq mejeden asty.