Álemdik munaı qaıtadan qymbattady
ALMATY. KAZINFORM — Taıaý Shyǵystaǵy jaǵdaıdyń shıelenisýi aıasynda álemdik munaı baǵasy ósti.
Oilprice.com málimetinshe, 22 qazanda Brent markaly munaıdyń bir barreli 110,50 dollarǵa jetti. Baǵa 1,68 dollarǵa nemese 1,54%-ǵa ósti.
WTI markaly munaıdyń baǵasy bir barrel úshin 98,41 dollar bolyp, 1,30%-ǵa qymbattady.
Al Urals markaly munaı kerisinshe, 0,84 dollarǵa nemese 0,80%-ǵa arzandap, barreline 104,76 dollarǵa tústi.
Parsy shyǵanaǵy aımaǵyndaǵy qaqtyǵystyń ýshyǵýy munaı jetkizilimine qatysty táýekelderdi kúsheıtip otyr.
Eske salsaq, AQSh Iran munaıyn tasymaldaýǵa kómektesken zań fırmasyna sanktsııa engizgen edi.
