Álemdik munaı baǵasy turaqty túrde qymbattap jatyr
ALMATY. KAZINFORM — 7 qyrkúıektegi jaǵdaı boıynsha álemdik munaı baǵasynda ósim bar.
Brent munaıynyń baǵasy 0,53% paıyzǵa ósip, barreli 96,81 dollar boldy. Oilprice málimetine sáıkes, WTI markaly munaı fıýchersteri 0,61%-ǵa qymbattap, barreli 92,04 dollardan saýdalanyp jatyr.
Reseılik Urals munaıynyń baǵasy barreline 86,70 dollar deńgeıinde tur. Onyń baǵasy 2,18%-ǵa qymbattady. Keıingi bir aı ishinde Urals munaıynyń baǵasy 12,89%-ǵa, al ótken jyldyń sáıkes kezeńimen salystyrǵanda 45,83%-ǵa ósken.
Eske salaıyq, Ormýz buǵazy tóńiregindegi shıelenis áli de sheshilmeı tur. Ótken aptada AQSh Irandaǵy IRSK nysandaryn shabýyldaýyn bastady.
Keıin AQSh Irannyń munaı flotyna jańa soqqy jasaýy múmkin ekenin málimdedi.
Sondaı-aq Ońtústik Koreıa Ormýz buǵazyna ásker jiberýi múmkin ekeni belgili boldy.
AQSh-tyń Iranǵa qarsy teńiz blokadasynan 92 kemeniń baǵyty ózgerdi.
