Álemdik munaı baǵasy ósip keledi
ALMATY. KAZINFORM — 10 tamyzdaǵy jaǵdaı boıynsha álemdik munaı baǵasy kóterilip keledi.
Bırjadaǵy saýda-sattyq málimetterine qaraǵanda, Brent markaly munaıdyń quny 1,01% qymbattap, barreline 84,39 dollarǵa jetti.
Oilprice derekterine súıensek, amerıkalyq WTI munaıy 0,75% ósip, barreline 78,81 dollarǵa jetti. 4%-ǵa jýyq ósken Urals markaly munaıdyń baǵasy barreline 79,19 dollar boldy.
Ormýz buǵazy tóńiregindegi ahýal munaıy baǵasynyń qubylýyna áser etip otyr. Juma kúni AQSh pen Iran arasyndaǵy kelissózderge baılanysty Brent markaly munaı baǵasy 83,33 dollarǵa deıin, al WTI munaıy 78,18 dollarǵa deıin qymbattaǵan bolatyn.
Sonymen qatar Iran men Oman Ormýz buǵazy arqyly keme ótkizý máselesi boıynsha kelisimge jaqyndaı tústi.
Degenmen, taraptar arasyndaǵy kelissózder týraly habarlamalardy ınvestory áli de saqtyqpen baǵalap otyr. Sebebi álemdegi basty munaı tasymaly baǵyttarynyń biri arqyly kemelerdiń ótý rejımine qatysty belgisizdik bar.
Eske salaıyq, buǵan deıin Qazaqstan, Saýd Arabııasy jáne Reseı sııaqty jeti OPEK+ eli 2026 jyldyń qyrkúıeginen bastap munaı óndirý kólemin táýligine 188 myń barrelge arttyrýǵa kelisti.
