Álemdik munaı baǵasy qaıtadan ósti
ALMATY. KAZINFORM- 6 qazan tańerteń munaı tasymalyna qatysty alańdaýshylyqtarǵa baılanysty álemdik munaı baǵasy azdap ósti.
Saýda derekterine sáıkes, Brent markaly munaı fıýchersteri barreline 100,64 dollar boldy, ıaǵnı 32 tsentke nemese 0,32%-ǵa ósti.
WTI fıýchersteri barreline 89,68 dollarǵa deıin kóbeıdi.
Reseılik Urals shıki munaıynyń baǵasy barreline 114,76 dollarǵa jetip, 8,73%-ǵa ósti.
Buǵan deıin G7 elderi strategııalyq qorlardan 100 mıllıon barrel munaı men munaı ónimderin shyǵarýǵa kelisken edi.
OPEK+ elderi munaı óndirýdiń deńgeıin 2026 jyldyń qarasha aıyna deıin saqtaýǵa kelisti. Bul sheshim jeti eldiń ókilderiniń onlaın kezdesýinen keıin qabyldandy: Saýd Arabııasy, Reseı, Irak, Kýveıt, Qazaqstan, Aljır jáne Oman.
