Álemdik munaı baǵasy 105 dollardan asty
ALMATY. KAZINFORM - 28 qyrkúıekte álemdik munaı baǵasy shıkizatty jetkizýdegi qıyndyqtarǵa baılanysty joǵary bolyp qaldy.
28 qyrkúıek tańerteńgi jaǵdaı boıynsha Brent markaly munaı fıýchersteri 1,74%-ǵa qymbattap, barreline 106,14 dollar boldy.
WTI markaly munaıdyń baǵasy 0,90%-ǵa ósip, barreline 93,24 dollarǵa jetti.
Al reseılik Urals munaıynyń baǵasy 3,57%-ǵa kóterilip, barreline 113,61 dollarǵa teń boldy.
Qazir munaı naryǵyna birneshe faktor áser etip otyr. Atap aıtqanda, ınvestorlar AQSh pen Iran arasyndaǵy kelissózderdiń nátıjesin kútip otyr. Eger taraptar kelisimge kelse, aımaqtaǵy shıelenis báseńdep, Ormýz buǵazy arqyly munaı jetkizilimi qaıta qalpyna kelýi múmkin.
25 qyrkúıekten beri munaı baǵasy AQSh pen Iran arasynda bitim jasalýy múmkin degen boljam aıasynda ózgerip keledi. Sonymen qatar naryq qatysýshylary Taıaý Shyǵystan munaı jetkizilimine qatysty táýekelderdi baqylap otyr.
Eske salaıyq, munaı baǵasy keıingi bir aptadaǵy eń joǵary deńgeıge jetken edi.
