Álemdik kóshbasshylar Tramp-Pýtın kelissóziniń nátıjelerine qatysty pikir bildirdi

ASTANA. KAZINFORM – Eýropalyq kóshbasshylar AQSh pen Reseı prezıdentteri arasyndaǵy Ýkraınanyń barlyq energetıkalyq ınfraqurylymy boıynsha dereý atysty toqtatý jáne kelissózderdi jalǵastyrý týraly kelisimge oń baǵa berdi.

Трамп Путин
Фото: Михаил Метцель/ ТАСС

AQSh-tyń arnaıy ókili Stıv Ýıtkoff seısenbi kúni keshke Saýd Arabııasy Reseı men AQSh arasyndaǵy jeksenbi, 23 naýryzda kelesi kelissózderdi ótkizetinin málimdedi, dep habarlaıdy DW News

Kelissózderdiń kelesi kezeńinde atysty Qara teńizdi qosa alǵanda, tolyq toqtatý jáne bitimgershilik kelisimge kelý máseleleri talqylanady.

Germanııanyń qyzmetten ketip bara jatqan kantsleri Olaf Sholts Ýkraınanyń energetıkalyq ınfraqurylymyndaǵy atysty toqtatýdy mańyzdy alǵashqy qadam dep atady, biraq kelesi qadam atysty tolyq toqtatý bolýy kerek ekenin málimdedi, dep habarlaıdy Global Banking and Finance

- Kelesi qadam Ýkraınadaǵy atysty tolyq jáne múmkindiginshe tezirek toqtatý bolýy kerek. Árıne, munymen kelisetinimiz anyq, - dedi Olaf Sholts.

Sholts Ýkraınasyz jáne onyń erkine qarsy sheshim qabyldanbaý kerektigin qaıtalady.

Frantsııa prezıdenti Emmanıýel Makron bul pikirdi qýattap, Ýkraınany odan ári qoldaıtynyn rastady. Ol Tramp-Pýtın kelissózderin «durys baǵytta júrip jatyr» dep quptady, dep habarlaıdy Global Times

- Alǵashqy qadamdar jasaldy, biraq bizdiń maqsatymyz ózgerissiz qaldy – tolyqtaı oryndalatyn, ólshenetin jáne tekseriletin atysty toqtatý jáne kepildikteri bar uzaq jáne berik beıbitshilikti qamtamasyz etetin beıbit kelissózderdi bastaý», - dedi E.Makron.

Ýkraına prezıdenti Vladımır Zelenskıı «eger atysty ishinara toqtatý bolsa, bul oń nátıje bolatynyn» moıyndady, dep habarlady Newsweek

Alaıda ol kelissózderde tolyq ashyqtyq qajettigin atap ótti.

- Áńgimeniń ne týraly ekenin túsinýimiz kerek, egjeı-tegjeıi qandaı? Biz tolyq habardar bolamyz jáne seriktester bizben bárin talqylaıdy dep úmittenemin, - dedi ol.

Keıinirek Vladımır Zelenskıı tilshilerge bergen suhbatynda energetıkalyq ınfraqurylym boıynsha atysty toqtatýdy qoldap, Aq úıden Reseımen naqty ne talqylanǵany týraly túsinik alǵysy keletinin atap ótti, dep habarlaıdy Yahoo News

- Meniń oıymsha, eger biz prezıdent Tramppen sóılesip, reseılikterdiń amerıkalyqtarǵa ne usynǵanyn nemese amerıkalyqtardyń reseılikterge ne usynǵanyn egjeı-tegjeıli bilsek, durys bolar edi, - dedi V.Zelenskıı.

Osyǵan deıin Pýtın men Tramp telefon arqyly sóıleskenin jazdyq.

Aqordanyń baspasóz qyzmeti Qazaqstan Prezıdentiniń osy kelissózderdiń qorytyndysyn qoldaıtynyn jetkizdi

Pýtın men Tramptyń telefonmen júrgizilgen kelissózderiniń qorytyndysy myna siltemede.

Tramp óziniń Pýtınmen aradaǵy áńgimesi týraly pikirin jazdy.

Сейчас читают