Álemdik kómir óndirý qarqyny 2030 jylǵa qaraı azdap tómendeıdi
ASTANA. KAZINFORM — Álemdegi kómir óndirý kólemi 2025 jyldyń qorytyndysy boıynsha 2024 jylǵy deńgeıde qalady dep kútilýde. Bul týraly AZERTADJ habarlady.
Bul týraly Halyqaralyq energetıkalyq agenttiktiń (HEA) esebinde aıtylǵan.
— 2025 jyly álemdik kómir óndirý kólemi 2024 jyly tirkelgen tarıhı eń joǵary kórsetkishke shamalas deńgeıde bolady dep boljanyp otyr. 2025 jyldyń birinshi jartyjyldyǵynda Qytaıda kómir óndirý kólemi 2024 jyldyń sáıkes kezeńimen salystyrǵanda 6 paıyzǵa ósti, — delingen esepte.
HEA dereginshe, 2025 jyly Qytaıda kómir óndirý 1 paıyzǵa artady dep kútiledi. Úndistanda sońǵy jyldary baıqalǵan kómir óndirý ósimi baıaýlaıdy. Indonezııada kómir óndirý COVID-19 pandemııasy bastalǵaly beri alǵash ret qysqarady. Al AQSh-ta ishki suranystyń artýyna baılanysty kómir óndirý kólemi ulǵaıady.
— Kóptegen óńirde kómir qorynyń mol bolýy jáne álemdik suranystyń álsizdigi jaǵdaıynda, biz 2030 jylǵa qaraı álemdik kómir óndirisi azdap tómendeıdi dep boljap otyrmyz, — dep málimdedi Halyqaralyq energetıkalyq agenttik.
Aıta ketelik Qarmet basshysy Prezıdentke kómir jáne taý-ken baǵytyn damytý baǵdarlamasyn tanystyrǵan edi.