Álemdik kınostýdııalardyń taǵy bir fılmi qazaq tilinde dýblıajdaldy
ALMATY. KAZINFORM — Almatyda qazaq tilinde dybystalǵan «Elıo» fılminiń jabyq kórsetilimi boldy.
Disney men Pixar kınostýdııalarynyń «Elıo» atty anımatsııalyq fılmi qazaq tilinde dybystaldy.
«Elıo» fılminiń qazaqsha nusqasynda basty keıipker Elıoǵa Nurnazar Sarjan óz daýsyn syılady. Helıks elshini telejúrgizýshi, prodıýser Marat Oralǵazın, Tegmen atty keıipkerdi akter ári kaskader Oljas Áljanov, sondaı-aq Kaleb keıipkerin ánshi Nurmuhammed Jaqyp dybystady.
— Men Almatynyń № 174 mektep-gımnazııasynda 6-synypta oqımyn, jasym — 12-de. Buǵan deıin birneshe fılmge túskenmin, keıipkerdi dybystaý da tájirıbemde bolǵan. Biraq basty keıipkerdi birinshi ret alyp otyrmyn. Fılmniń nasıhattaıtyn qundylyǵy — dostyq úshin túr men tús emes, ishki jan dúnıe mańyzdy. Bolashaqta armanym — úlken Gollıvýd fılmderin dybystaýmen shektelmeı, olarǵa túsip, akter bolý, — dedi Nurnazar Sarjan.
Eske salaıyq, byltyr Disney stýdııasy «Oıjumbaq 2», «Moana 2», «Mýfasa. Arystan patsha» atty úsh fılmin qazaq tiline aýdarýǵa tapsyrys berip, dýblıaj jumystaryn qarjylandyrdy.
Bıyl Disney stýdııasynyń «Lılo men Stıch» fılmi qazaq tiline dýblıajdalǵanyn jazǵanbyz.