Álemdik fýtbol juldyzy sý tasqynynan zardap shekken aqtóbelik otbasylarmen kezdesti
AQTÓBE. KAZINFORM – Frantsııa ulttyq quramasy men aǵylshyndyq «Chelsı» komandasynyń burynǵy oıynshysy Klod Makelele Aqtóbe oblysynda qurylǵan qoǵamdyq shtab ókilderimen birge Q.Jubanov atyndaǵy Aqtóbe óńirlik ýnıversıtetiniń jataqhanasyndaǵy ýaqytsha ornalastyrý pýnktine baryp, sý tasqynynan zardap shekken otbasylarmen kezdesip, jaǵdaılarymen tanysty.
Sondaı-aq, kezdesý barysynda ataqty aıaqdop sheberi jataqhanadaǵy otbasylardyń balalaryna estelik retinde qoltańbasy bar fýtbol dobyn syılap, bolashaǵyn fýtbolmen baılanystaryn jas órenderge alańda dop tebýdiń qyr-syry, ádis-tásilderi, úlken sportta tabysqa jetý joldary, ómirlik tájirıbesi jaıynda aıtyp, bolashaqta úlken fýtbol juldyzy bolýdy tiledi.
Shara Aqtóbe oblystyq qoǵamdyq shtab ókilderiniń bastamasymen ótti.
Eske salaıyq, esimi ańyzǵa aınalǵan fýtbolshy Aqtóbe qalasyna «Super bol» - talanttardy tańdaýǵa arnalǵan sharanyń qurmetti qonaǵy retinde kelgen.
Jobanyń maqsaty – áýesqoı oıynshylardy kásipqoı fýtbol deńgeıine deıin kóterý.
