Álemdik fýtbol juldyzdary 26 tamyzda Ózbekstanǵa keledi
ASTANA. KAZINFORM — Ózbekstan fýtzal federatsııasy baspasóz qyzmetiniń málimdeýinshe, álemdik fýtbol juldyzdary Ózbekstanǵa keledi, dep habarlaıdy Sports.uz.
Federatsııa aqparatynda tómendegi fýtbolshylardyń keletini jarııalanǵan:
Dıda — Álem chempıony, Mılan quramynda UEFA Chempıondar lıgasynyń eki dúrkin jeńimpazy.
Roberto Karlos — álemdegi eń úzdik sol qanat qorǵaýshylarynyń biri, óziniń kúshti soqqylarymen tanymal, álem chempıony, UEFA Chempıondar lıgasynyń úsh dúrkin jeńimpazy.
Fabıo Kannavaro — Álem chempıony, «Altyn dop» ıegeri, 2006 jyly álemniń úzdik oıynshysy atanǵan jalǵyz qorǵaýshy.
Marko Materatstsı — álem chempıony, UEFA Chempıondar lıgasynyń jeńimpazy.
Maıkon — «Interdiń» eń úzdik qorǵaýshylarynyń biri, UEFA Chempıondar lıgasynyń jeńimpazy.
Krıstıan Zakkardo — 2006 jylǵy álem chempıony, ıtalıandyq qorǵaýshy.
Klarens Zeedorf — «Mılannyń» ańyzǵa aınalǵan oıynshysy, úsh klýbtyń quramynda Chempıondar lıgasynda jeńimpaz bolǵan jalǵyz oıynshy.
Serdjıno - «Mılannyń» sol qanat qorǵaýshysy, nátıjeli pas berýimen tanymal.
Frank Rıberı – «Bavarııanyń» ańyzǵa aınalǵan jartylaı qorǵaýshysy, UEFA Chempıondar lıgasynyń jeńimpazy.
Kevın Kýranı — Germanııa quramasynyń burynǵy shabýylshysy, «Shalke-04» klýbynyń ańyzǵa aınalǵan oıynshysy.
Bul juldyzdar 26 tamyz kúni Humo Arena sport kesheninde ótetin «BMB» men «Oil Star» arasyndaǵy fýtzaldan Ózbekstan Sýperkýbogy-2025 matchyna qatysyp, jankúıerlermen kezdesedi dep josparlanǵan.
27 tamyzǵa birqatar matchtar josparlanǵan.Sonymen qatar Ózbekstan men World Football Legends komandalary arasynda joldastyq kezdesý de bar. Matchtyń bastalý ýaqyty men orny týraly qosymsha aqparat beriledi.
Eske sala keteıik, ózbekstandyq fýtbolshy Hýsanovtyń Anglııada qansha jalaqy alatyny belgili boldy.