Álemdik dinder kóshbasshylary sezi BUU-men júıeli jumys júrgizedi - Prezıdent

ASTANA. KAZINFORM – Memleket basshysy Qasym-Jomart Toqaev Qazaqstan barlyq deńgeıdegi dinaralyq jáne mádenıetaralyq dıalogty tolyq qoldaıtynyn jáne Sezdiń jahandyq pikirtalas alańy retinde yqpalyn arttyrýǵa tyrysatynyn atap ótti.

– Biz Sezd Hatshylyǵynyń BUU ınstıtýttarymen jáne basqa da qurylymdarmen seriktestik jelisin keńeıtýdi jalǵastyramyz. Sezd ıdeıalaryn ilgeriletý úshin birqatar is-shara uıymdastyrylady. Oǵan halyqaralyq seriktesterimiz, jastar, sarapshylar, volonterlik uıymdar qatysady. Beıbitshilik – eń basty baılyǵymyz. Bul – barsha elderge, halyqtar men dinderge ortaq asa mańyzdy qundylyq. Shyn máninde, tatýlyq pen turaqtylyq baıandy bolashaqtyń myzǵymas kepili sanalady. Sizder osy jolda aıanbaı eńbek etip júrsizder, - dedi Qasym-Jomart Toqaev Álemdik jáne dástúrli dinder kóshbasshylarynyń VIII Cezin qorytyndylaý kezinde.

Osy oraıda Prezıdent búgingi basqosý sonyń jarqyn kórinisi bolǵanyn atap ótti.

- Bir sózben aıtqanda, Sezd tabysty ótti. Barshańyzǵa zor alǵysymdy aıtamyn. Igi maqsat jolyndaǵy yntymaǵymyz odan ári nyǵaıa beredi dep oılaımyn. Men osy sátti paıdalanyp, Sez jumysyna qoldaý kórsetkeni úshin rýhanı jáne saıası kóshbasshylarǵa, BUU-nyń jáne basqa da qurylymdardyń ókilderine, dıplomattarǵa zor rızashylyq bildiremin. Sezd aldaǵy ýaqytta da Birikken Ulttar Uıymymen dinaralyq kelisim máselesi boıynsha júıeli jumys júrgizedi dep senemin, – dedi Prezıdent.

Aıta keteıik, búgin elordada álemdik dinder kóshbasshylary seziniń deklaratsııasy qabyldandy. 

Cez qatysýshylar qabyldaǵan «Astana beıbitshilik deklaratsııasy 2025» BUU Bas Assambleıasy 80-sessııasynyń resmı qujaty retinde taratylady.