Álemdik BAQ-taǵy Qazaqstan: Toqaevtyń suhbaty, Vıtse-prezıdent, Qyrǵyzstanǵa munaı tasymaldaý
ASTANA. KAZINFORM – Osy aptada álemdik basylymda Qazaqstan jaıly aqparat jıi ushyrasty. Sonyń ishinde Memleket basshysynyń «Sınhýa» agenttigine bergen eksklıýzıvti suhbaty, Laos prezıdenti Thonglýn Sısýlıttiń elimizge jasaǵan resmı sapary aıtylǵan. Osy aptada taǵaıyndalǵan Vıtse-prezıdent pen Úkimet músheleri kim ekeni jáne Qyrǵyzstanǵa munaı tranzıti qalaı bastalǵany týraly da jazylypty. Tolyǵyraq Kazinform tilshisiniń sholýynan oqyńyz.
Reuters: Toqaev vıtse-prezıdentti taǵaıyndady
Prezıdent Qasym-Jomart Toqaev dúısenbi kúni Erlan Karındi vıtse-prezıdent qyzmetine taǵaıyndady. Bul laýazym bıyl Qazaqstanda qabyldanǵan jańa Konstıtýtsııaǵa sáıkes qurylǵan bolatyn. Aqparatty Reuters jazǵan.
Karın terrorızmge qarsy kúres salasynda tájirıbege ıe jáne 2019 jyldan beri Toqaevtyń bas keńesshisi qyzmetin atqardy.
TASS: Úkimet quramy jasaqtaldy
Qazaqstanda Úkimet quramy qaıta jasaqtaldy. Onyń quramyna 25 adam kirgen. Úkimettegi kadrlyq ózgeris jaıly reseılik TASS tarqatty.
Úkimetti Oljas Bektenov basqarady, al Premer-mınıstrdiń birinshi orynbasary retinde Nurlybek Nálibaev qaıta taǵaıyndalǵan. Premer-mınıstrdiń orynbasarlary qatarynda Ǵalymjan Qoıshybaev, Qanat Bozymbaev, Serik Jumanǵarın, Jaslan Mádıev bar.
Syrtqy ister mınıstri qyzmetine Muhtar Tileýberdi, mádenıet jáne aqparat mınıstri laýazymyna Arman Qyryqbaev, tótenshe jaǵdaılar mınıstri qyzmetine Murat Muhanov, ekologııa jáne tabıǵı resýrstar mınıstri qyzmetine Álibek Qýantyrov taǵaıyndaldy.
Ózge mınıstrer óz laýyzymynda qaldy.
Caspian Post: Laos prezıdenti resmı saparmen keldi
Qazaqstanǵa Laos Prezıdenti Thonglýn Sısýlıt resmı saparmen keldi. Mártebeli meımandy Memleket basshysy Táýelsizdik saraıynda qarsy aldy. Aqparatty Caspian Post bólisken.
Qos el prezıdenti bir-birine resmı delegatsııa múshelerin tanystyrdy. Qurmet qaraýyly rotasynyń bastyǵy raport bergen soń eki memlekettiń ánurandary shyrqaldy.
Keıin Qasym-Jomart Toqaev pen Thonglýn Sısýlıt shaǵyn quramda kelissóz júrgizdi.
Xinhua: Qazaqstan Qytaımen máńgilik jan-jaqty strategııalyq seriktestikti nyǵaıtýǵa daıyn
Prezıdent Qasym-Jomart Toqaev Sınhýa agenttigine jazbasha suhbat berdi. Memleket basshysy Astana men Beıjińniń strategııalyq baılanysy, ásirese ekonomıka, bilim berý, jasandy ıntellekt, tsıfrlandyrý, týrızm, tarıh salasyndaǵy yntymaqtastyqty qaýzaǵan.
Qasym-Jomart Toqaev Qazaqstannyń «Birtutas Qytaı» saıasatyn berik ustanatynyn jáne memleketterdiń aýmaqtyq tutastyǵy qaǵıdatynyń buzylýyna qarsy ekenin atap ótti. Qazaqstan BUU, ShYU jáne AÓSShK aıasynda Qytaımen ózara úılesimdi jumysty jalǵastyrady. Sondaı-aq «Ortalyq Azııa — Qytaı» formatyndaǵy yntymaqtastyqty tolyq qoldaıdy.
– Qazaq halqy «Joly birdiń — júgi bir» deıdi. Eki el arasyndaǵy dál osyndaı qarym-qatynas halyqtarymyzdyń túpki múddelerine saı keledi ári búkil Eýrazııa keńistigindegi beıbitshilik pen turaqtylyqty qamtamasyz etetin mańyzdy faktor sanalady, – dedi Qasym-Jomart Toqaev.
Jiji Press: Qazaqstan Qyrǵyzstanǵa munaı tranzıtin bastady
«QazTransOıl» tamyz aıynda Qazaqstan aýmaǵy arqyly Qyrǵyzstanǵa 35 myń tonna munaı tasymaldaǵan. Kompanııanyń resmı málimetin japondyq Jiji Press taratty.
«QazTransOıl» – magıstraldyq munaı qubyrlarynyń ulttyq operatory. Kompanııanyń basqarýyndaǵy qubyr jelisiniń jalpy uzyndyǵy 5,4 myń shaqyrymdy quraıdy. Qazir Reseı munaıy magıstraldyq qubyrlar júıesi arqyly «QazTransOıl» ıeligindegi munaı quıý pýnktine jetkizilip, odan ári temirjol tsısternalaryna tıelýde.
Qyrǵyzstan baǵyty boıynsha munaı tranzıtiniń iske qosylýy Qazaqstan aýmaǵy arqyly munaı jetkizýdiń jańa baǵytyn ashyp, «QazTransOıl» kórsetetin tasymaldaý qyzmetiniń aýqymyn keńeıtpek.
