Álemdik BAQ-taǵy Qazaqstan: Serbııa prezıdentiniń sapary, fýtbol klýbyn satý, JES, shahmat zerthanasy

ASTANA. KAZINFORM — Aqpannyń sońǵy aptasynda álemdegi aqparat quraldarynyń nazary Qazaqstanǵa aýdy. Sebebi Serbııanyń memleket basshysy Aleksandr Výchıch elordaǵa keldi, Ulybrıtanııamen mańyzdy kelisimder qabyldandy. Sondaı-aq Almatydaǵy JOO-da shahmat zerthanasy ashylyp, óńirlik fýtbol klýby satylymǵa shyǵaryldy. Tolyǵyraq Kazinform tilshisiniń sholýynan oqyńyz.

Caspianpost: Serbııa Prezıdenti Qazaqstanǵa attandy

26–27 aqpan kúnderi Aleksandr Výchıch Astana qalasyna resmı saparmen keldi. Onda ol Qazaqstan prezıdentimen kezdesip, birqatar qujatqa qol qoıdy. Resmı sapardyń qarsańynda ol týraly aqparatty Caspianpost jarııalady.

«Joǵary deńgeıdegi kelissózder Qazaqstan men Serbııa arasyndaǵy qarym-qatynasqa jańa serpin beredi dep kútilýde. El basshylary ekijaqty yntymaqtastyqtyń basym baǵytyn aıqyndap, saıası dıalogty damytýǵa qadam jasaıdy.

Kelissózder barysynda saýda-ekonomıkalyq seriktestikti keńeıtý, sondaı-aq mádenı-gýmanıtarlyq baılanysty nyǵaıtý máseleleri negizgi nazarda bolady», — delingen basylymda.

Anadolu: Qazaqstan men Ulybrıtanııa Jol kartasyna qol qoıdy

Syrtqy ister mınıstri Ermek Kósherbaev Londonda brıtan bıznes-qoǵamdastyǵy ókilderimen kezdesti. Jıyn barysynda elaralyq eleýli sheshimder qabyldanyp, mańyzdy mıneraldar men sırek jer metaldary salasyndaǵy 2027 jylǵa deıingi Jol kartasy bekitildi. Anadolu agenttigi kezdesýde aıtylǵan negizgi jańalyqtardy bólisti.

Sharaǵa Ulybrıtanııa bıliginiń ókilderimen qatar «Maritime House», «Weir Group», «Perry Engineering», «Car Park Transformer», «British Petroleum», «Standard Chartered Bank», «UK Export Finance», «London Stock Exchange Group», «Gleeds», «Better Earth», «Eutelsat OneWeb» sekildi kompanııalardyń basshylary qatysqan.

Qazaq dıplomaty Ulybrıtanııanyń bıznes-qoǵamdastyǵy ókilderin eldiń sońǵy 25 jyldaǵy jetistikteri týraly habardar etti.

Іs-shara qorytyndysy boıynsha mynandaı qujattarǵa qol qoıyldy:

· 2027 jylǵa deıingi Qazaqstan-Ulybrıtanııa arasyndaǵy mańyzdy mıneraldar salasyndaǵy strategııalyq seriktestiktiń jol kartasy;

· «Coventry University» men «Coventry University Kazakhstan» arasyndaǵy seriktestikti keńeıtý jáne Almaty qalasynda lıtsenzııalyq kampýs ashý týraly memorandým;

· Almaty qalasynda «Charterhouse School» mektebin ashý;

· «Cardiff University» jasandy ıntellekt ortalyǵyn iske qosý;

· Aqtóbe qalasynda «Heriot-Watt University» jańa kampýsyn ashý.

Report: Jambylda eń aýqymdy jel elektr stansasy salynady

Qazaqstan men Frantsııa 1 GVt-tyq jel elektr stansasy megajobasyn júzege asyrýdy kózdep otyr. Osy maqsatta Energetıka mınıstri Erlan Aqkenjenov frantsýzdyq TotalEnergies energetıkalyq kompanııasynyń top-menedjmentimen kezdesý ótkizdi. Talqylaýǵa TotalEnergies EP kompanııasynyń Azııa-Tynyq muhıty óńiri boıynsha aǵa vıtse-prezıdenti Mansur Jaqypov jáne TotalEnergies-tiń Qazaqstandaǵy basshysy Frýde ıÝnes qatysqan.

Report-tyń habarlaýynsha, kelissózde Jambyl oblysynda qýaty 1 GVt bolatyn «Mırnyı» jel elektr stansasyn salý jobasyna erekshe nazar aýdarylypty. Atalǵan joba Qazaqstan men Frantsııa arasyndaǵy dekarbonızatsııa baǵytyndaǵy ekijaqty yntymaqtastyqtyń mańyzdy bóligi sanalady. Joba eki el úkimetteri arasynda jasalǵan arnaıy kelisim aıasynda júzege asyrylýda.

Aıta keteıik, stansanyń biregeıligi onyń gıbrıdti sıpatynda: jel generatsııasymen qatar, keshen 300 MVt/600 MVt.saǵ kólemindegi energııa jınaqtaý júıesimen jabdyqtalady.

Sonymen qatar, joba aıasynda «Ońtústik Qazaqstan MAES» (ıÝKGRES) jáne «ShÝ» qosalqy stansalaryna qosylý úshin 280 shaqyrym joǵary kerneýli elektr jelilerin salý josparlanǵan.

The Times of Central Asia: KazChessLab zerthanasyashyldy

19 aqpanda Almatydaǵy Qazaq ulttyq qyzdar pedagogıkalyq ýnıversıtetinde (QyzPU) eldegi alǵashqy KazChessLab zerthanasy ashyldy. Ashylý saltanaty barysynda «Shahmat pedagogi» Minor baǵdarlamasynyń tuńǵysh 25 túlegine sertıfıkat tabystaldy. Aqparatty The Times of Central Asia taratty.

Zerthanany iske qosý rásimine Ǵylym jáne joǵary bilim mınıstri Saıasat Nurbek, Qazaqstan shahmat federatsııasynyń prezıdenti Tımýr Týrlov jáne ýnıversıtet rektory Beıbitkúl Kárimova qatysqan.

— 2023 jyly Prezıdenttiń tapsyrmasymen shahmatty damytýdyń strategııalyq jospary bekitildi. Árbir balany shahmatpen tanystyryp, oıyndy mekteptiń bastaýysh synyptarynan bastap meńgertý qajet. Búginde Qazaqstan shahmatta joǵary jetistikter kórsetip otyr, al odan ári damytý úshin bilikti ustazdar qajet, — dedi mınıstr.

Qazaqstan shahmat federatsııasynyń prezıdenti Tımýr Týrlov kóp jyldyq jumysty qorytyndylap, zerthananyń ashylýyn sapaly jańa kezeń retinde baǵalady.

— Alǵashqy 25 shahmat pedagogine dıplom tabystadyq. Qazaqstan tarıhynda mundaı buryn bolmaǵan sııaqty. Bul jas mamandar balalarǵa oıyn erejelerin ǵana úıretpeıdi, olarǵa ıntellektýaldyq ósý álemindegi tálimger jáne jol kórsetýshi bolady. Biraq biz odan ári qozǵalǵymyz keledi. Sondyqtan eldegi alǵashqy jańa formattaǵy KazChessLab iske qosylýda, munda shahmatty oqytýdyń úzdik ádistemeleri synaqtan ótkizilip, jetildiriledi, — dedi federatsııasynyń prezıdenti.

TASS: Fýtbol klýby 2 myń dollarǵa satylýy múmkin

Túrkistan oblysy dene shynyqtyrý jáne sport basqarmasyna qarasty «Turan» kásibı fýtbol klýby» satylymǵa shyǵaryldy. Onlaın-aýktsıon qujattaryn zerttegen TASS málimetinshe, bastapqy baǵa nebári 1 mln teńgeni (shamamen 2,1 myń AQSh dollary) quraıdy.

Bul soma — klýbtyń qaryzy men mindettemesin eskere otyryp anyqtalǵan naryqtyq qun. Saýda-sattyq baǵany kóterý tásilimen ótedi. Oǵan jeke tulǵalar, jeke kásipkerler jáne zańdy tulǵalar, sonyń ishinde sheteldikter de qatysa alady. Satyp alýshynyń fýtboldy damytýǵa jumsaıtyn keminde 200 mln teńge (shamamen 400 myń AQSh dollary) qarajaty bolýy tıis. Aýktsıon 3 naýryzda bastalady jáne saýdaǵa jalǵyz qatysýshy qatyssa da klýb satylýy múmkin.

Jeńimpazǵa birneshe talap qoıylǵan. Klýbtyń bolashaq ıesi aldaǵy 10 jyl ishinde klýb shtatynyń sanyn saqtaýǵa, jasóspirimder akademııasyn qurýǵa, áıelder komandasyn damytýǵa jáne stadıondarmen kelisimshart jasaýǵa mindetti. Klýbty qaıta satý nemese senimgerlik basqarýǵa berý quqyǵy qarastyrylmaǵan. Eń basty mindet — «Turandy» 2027 jylǵa qaraı Premer-lıgaǵa qaıta shyǵarý.