Álemdik BAQ-taǵy Qazaqstan: Qorǵanys shyǵyny, áýe reısindegi overbýkıng jáne qarjysyz legıonerler
ASTANA. KAZINFORM – Osy aptada álemdik basylymdarda Qazaqstan jaıly aqparat jıi ushyrasty. Ásirese, Úkimettiń qorǵanys salasyna bólgen qarjysy, áýe bıletterine qatysty ózgeris erekshe atalǵan. Ázerbaıjanmen saýda baılanysynyń ulǵaıýy, sporttaǵy legıonerlerdiń memlekettik bıýdjetten qaǵylýy da qalys qalmapty. Tolyǵyraq Kazinform tilshisiniń sholýynan oqyńyz.
Anadolu: Qazaqstan qorǵanys shyǵynyn arttyrmaq
Elde Qorǵanys ónerkásibi keshenin damytý qorynyń jarǵylyq kapıtalyn ulǵaıtý boıynsha jumys júrgizilýde. Bul týraly Premer-mınıstr Oljas Bektenovtiń Senat depýtatyna bergen jaýabynan belgili boldy. Premer-mınıstr sózin Anadolu aqparat agenttigi bólisken.
Jýyrda qorǵanys ónerkásibi kesheni men memlekettik qorǵanys tapsyrysyn damytý máseleleri jóninde depýtattyq saýal qoıyldy. Onda salaǵa qatysty ózgeris baǵyty suralǵan.
«Ónerkásip jáne qurylys mınıstrligi «Steel Manufacturing» JShS bazasynda jeke brondy qorǵaý quraldarynyń synaq zerthanasyn qurý baǵytynda jumys júrgizilip jatyr. 2024 jylǵy 23 qyrkúıekte zaýyt tehnologııalyq jabdyqty jetkizýge Prototypa-ZM, s.r.o. kompanııasymen (Chehııa) (somasy –10 mlrd teńge, jetkizý merzimi – 2025 jylǵy tamyz) shartqa qol qoıdy. Synaq zerthanasyn iske qosýdyń kútiletin merzimi – 2026 jylǵy aqpan», – dep jaýap bergen O.Bektenov.
Sonymen qatar Premer-mınıstr qazirgi ýaqytta qordyń jarǵylyq kapıtalyn ulǵaıtý boıynsha jumys júrgizilip jatqanyn aıtty.
«Respýblıkalyq bıýdjetten qarajat bólý úshin 120 mlrd teńge somasyna ótinim daıyndaldy. Syrtqy ınvestıtsııalardy tartý maqsatynda birqatar sheteldik ınvestorlarmen (Qytaı, BAÁ, Túrkııa, Katar, Sıngapýr jáne t.b.) kelissózder júrgizilip jatyr. Qorǵanys-ónerkásip kesheni kásiporyndarynda ındýstrııalyq sertıfıkattyń bolýy jónindegi talaptarǵa qatysty qazirgi ýaqytta memlekettik qorǵanys tapsyrysy oryndaýshylaryn tańdaý tıisti óndiristik, ınjenerlik jáne biliktilik múmkindikteri bar kásiporyndar arasynan júzege asyrylatynyn atap ótemiz», – delingen jaýapta.
Úkimet basshysynyń jaýabyna súıensek, qazir elde 2 áskerı synaq polıgony jumys isteıdi. Olar Embi jáne Saryshaǵanda ornalasqan. Arnaıy polıgondarda áskerı tehnıka men qarý-jaraqtyń basqa da túrlerine áskerı synaq júrgiziledi.
TASS: Іshki reıstegi «overbýkıng» úshin 375 dollar aıyppul engizildi
Qazaqstanda áýe kompanııalary endi ishki reısterde «overbýkıng» — ıaǵnı ushaqtaǵy oryn sanynan artyq bılet satý úshin ákimshilik jaýapkershilikke tartylady. Aıyppul kólemi 375 dollardy (50 AEK) quraıdy. Jańalyqty reseılik TACC aqparat agenttigi jarııalady.
Bas kólik prokýratýrasynyń málimetinshe, qabyldanǵan shara áýe kompanııalarynyń qyzmetin baqylaýdy kúsheıtip, jolaýshylardyń quqyn qorǵaýǵa, normasynan artyq bılet satylymyn tejeýge jáne ushaqqa otyrǵyzý kezindegi keleńsizdikti sheshýge múmkindik bermek.
Jalpy áýe tasymaldaýshylary «overbýkıng», ıaǵnı ushaqtaǵy oryn sanynan artyq bılet satý tásilin jıi qoldanady. Ásirese, bul ádis tanymal baǵyttarda jáne mereke, demalys kúnderi baıqalatyn. Jolaýshylar qolynda aqyly bıleti bola tura, ushaqqa otyrǵyzylmaı, balama jol izdeýge májbúr bolǵan. Qoǵam narazylyǵy artyp, máseleni shuǵyl sheshý qajet boldy.
Buǵan deıin bılet bolǵanymen, bortta oryn berilmegen jaǵdaıda jaýapkershilik tek halyqaralyq reısterge qoldanylatyn. Endi Prokýratýranyń usynysy boıynsha Parlament Májilisi Ákimshilik quqyq buzýshylyqtar týraly kodekske ózgeris engizý máselesin qarap, jaýapkershilikti ishki reısterge de qoldanýdy maquldady.
Endi ishki reısterde jolaýshylardy, bagaj ben júkterdi tasymaldaý erejesin buzǵany úshin ákimshilik jaýapkershilik kózdelgen. Jańa normaǵa sáıkes, áýe tasymaldaýshy 50 AEK mólsherinde aıyppul tóleýi múmkin.
Trend: Qazaqstan men Ázerbaıjan arasyndaǵy taýar aınalymy artty
Bıyl qańtar-aqpan aralyǵynda Ázerbaıjan men Qazaqstan arasyndaǵy saýda operatsııalarynyń kólemi 71,9 mıllıon AQSh dollaryn qurady. Ázerbaıjan Memlekettik keden komıtetiniń málimetin Trend aqparat agenttigi bólisken.
Resmı derekke sensek, kórsetkish ótken jyldyń sáıkes kezeńimen salystyrǵanda 17,9 mıllıon AQSh dollary nemese 32,2 paıyz artyq. Esepti kezeńde Qazaqstanmen saýda aınalymynyń kólemi Ázerbaıjannyń jalpy saýda aınalymynyń 0,81 paıyzyn quraǵan.
Qańtar-aqpan aılarynda Ázerbaıjannan Qazaqstanǵa 12,2 mıllıon AQSh dollary kóleminde taýar eksporttalypty. ıAǵnı, ótken jyldan 4,9 mıllıon dollar nemese 67,1 paıyz artyq. Al Qazaqstannan Ázerbaıjanǵa 59,7 mıllıon AQSh dollary kóleminde saýda operatsııasyn júrgizgen. Ósim – 13 mıllıon dollar nemese 27,9 paıyz.
Aıta keteıik, qańtar-aqpan aılarynda Ázerbaıjannyń syrtqy saýda aınalymy 8,9 mıllıard AQSh dollary bolǵan. Aqparatqa sáıkes, atalǵan kórsetkish ótken jylǵa qaraǵanda 1,7 mıllıard AQSh dollaryna nemese 23,2 paıyz óskenin baıqaımyz.
Report: Sheteldik legıonerlerge bıýdjet esebinen qarjy bólinbeıdi
Qasym-Jomart Toqaev «Qazaqstan Respýblıkasynyń keıbir zańnamalyq aktilerine dene shynyqtyrý jáne sport, sondaı-aq artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» Zańyna qol qoıdy. Soǵan sáıkes, endi sheteldik legıonerlerdi bıýdjetten jáne kvazımemlekettik sektor sýbektileriniń qarajaty esebinen qarjylandyrýǵa tyıym salynady. AqparattyReportagenttigi taratty.
«Budan bylaı bıýdjet qarajaty tek tórt baǵytqa: joǵary jetistikter sportyna, onyń ishinde sporttyń basym túrlerine, memlekettik dene shynyqtyrý-sport uıymdarynyń qyzmetine, buqaralyq sportqa, sporttyq ınfraqurylymdy damytýǵa jumsalady», – delingen zańda.
Oǵan qosa Zańǵa «sporttyq daıarlyqtyń ulttyq standarttary» uǵymy engiziledi. Demek, sportshylardy tól tanym-túsinigimizge saı tárbıeleý, dástúrli qundylyqtardy sińirýge arnalǵan biryńǵaı daıarlaý standarty ázirlenedi. Al quzyrly organǵa dopıngke qarsy erejeni buzǵany úshin shara qabyldaý ókilettigi berilmek.